சாப்பாடு வழங்க தாமதம் : ஆத்திரமடைந்த யாசகர் விடுதி உரிமையாளரின் மனைவி மீது கடும் தாக்குதல்
சாப்பாடு வழங்க தாமதமாகியதால் யாசகம் பெறும் நபரொருவர் கொழும்பில் விடுதி ஒன்றின் உரிமையாளரின் மனைவியை கடுமையாக தாக்கியுள்ளார்.
இவ்வாறு தாக்கிய யாசகர் கைது செய்யப்பட்டு கொழும்பு நீதிமன்றில் முற்படுத்தப்பட்ட நிலையில் அவரை எதிர்வரும் 30 ஆம் திகதி வரை விளக்க மறியலில் வைக்குமாறு பிரதான நீதவான் பிரசன்ன அல்விஸ் இன்று (16 ) உத்தரவிட்டார்.
நீதிமன்றின் உத்தரவு
மார்ட்டின் லியனகே என்ற யாசகனை விளக்கமறியலில் வைக்குமாறு உத்தரவிட்ட நீதவான், அவரின் மனநல அறிக்கையை சமர்ப்பிக்குமாறு காவல்துறைக்கு உத்தரவிட்டுள்ளார்.
இது தொடர்பில் தெரியவருவதாவது,
13 வருடங்களாக தினமும் சாப்பாடும் பானமும்
கொழும்பு போக்குவரத்து காவல்துறைக்கு அருகில் விடுதி நடத்தி வரும் ஹோட்டல் உரிமையாளர், குறித்த யாசகனுக்கு கடந்த 13 வருடங்களாக தினமும் சாப்பாடும் பானமும் கொடுத்து வந்திருக்கின்றார்.
இன்றையதினம் சாப்பாடு தாமதமாகியதால் ஆத்திரமடைந்த யாசகர், கடை உரிமையாளரின் மனைவியின் தலையில் சரமாரியாக தாக்கியதாக பாதிக்கப்பட்டவர்கள் சார்பில் சட்டத்தரணி நீதிமன்றில் தெரிவித்தார்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள் |
மல்லாகம், யாழ்ப்பாணம், கொழும்புத்துறை, சுண்டுக்குழி, Brampton, Canada
12 Sep, 2026