மக்களுக்கு எச்சரிக்கை: எரிபொருள் QR குறியீட்டைப் பெற போலி வலைத்தளம்

Sri Lankan Peoples Sri Lanka Fuel Crisis National Fuel Pass

By Sumithiran Mar 16, 2026 09:59 AM GMT

Sumithiran

in சமூகம்

Report

அரசாங்கத்தின் அதிகாரபூர்வ எரிபொருள் QR குறியீட்டைப் பெறுவதற்கான அதிகாரபூர்வ ஒன்லைன் தளத்தை ஒத்ததாக அமைக்கப்பட்ட போலி வலைத்தளங்கள் குறித்து தகவல் தெரிவிக்கப்பட்டுள்ளதாக இலங்கை பெட்ரோலியக் கூட்டுத்தாபனத்தின் நிர்வாக பணிப்பாளர் மயூரா நெத்திகுமாரகே தெரிவித்துள்ளார்.

இன்று (16) காலை ஊடக சந்திப்பை நடத்தியபோது நிர்வாக பணிப்பாளர் இவ்வாறு தெரிவித்தார்.

தவறான முறையில் போலி வலைத்தளங்கள்

பயனர்களின் தனிப்பட்ட தகவல்களைப் பெறுவதற்காக தவறான முறையில் தொடர்புடைய போலி வலைத்தளங்கள் உருவாக்கப்பட்டதாகக் கூறிய நிர்வாக பணிப்பாளர், அரசாங்கம் fuel pass.gov.lk என்ற வலைத்தளத்தை மட்டுமே பகிரங்கப்படுத்தியுள்ளது என்று கூறினார்.

மக்களுக்கு எச்சரிக்கை: எரிபொருள் QR குறியீட்டைப் பெற போலி வலைத்தளம் | A Fake Website Similar Fuel Qr Code

அதன்படி, எரிபொருள் பாஸ்களைச் செயலாக்கும்போது கவனமாக இருக்குமாறு பொதுமக்களுக்கு அவர் தெரிவித்தார்.

எரிபொருளுடன் வந்த கப்பல்

இதற்கிடையில், இன்று (16) காலை எரிபொருளை ஏற்றிக் கொண்டு மற்றொரு கப்பல் நாட்டிற்கு வந்துள்ளதாகவும், அந்தக் கப்பலில் இருந்து இன்று எரிபொருளை இறக்குவதற்கான ஏற்பாடுகள் செய்யப்பட்டு வருவதாகவும் அவர் மேலும் கூறினார்.

இன்று வந்த கப்பலில் 18,000 மெட்ரிக் தொன் டீசல், 17,000 மெட்ரிக் தொன் பெட்ரோல் மற்றும் 3,000 மெட்ரிக் தொன் சூப்பர் டீசல் இருப்பதாக அவர் குறிப்பிட்டார்.