மட்டக்களப்பில் இடம்பெற்ற மோட்டார் சைக்கிள் விபத்து: ஒருவரின் நிலை கவலைக்கிடம்

Batticaloa Sri Lanka Accident

By Laksi Mar 25, 2024 01:59 PM GMT

Laksi

in விபத்து

Report

மட்டக்களப்பு-வாழைச்சேனை காவல்துறை பிரிவுக்குட்பட்ட மீராவோடை பகுதியில் இடம்பெற்ற மோட்டார் சைக்கிள் விபத்தில் இரு இளைஞர்கள் படுகாயமடைந்துள்ளனர்.

குறித்த சம்பவம் இன்று (25) காலை 10.30மணியளவில் இடம்பெற்றுள்ளது.

இதில், இருவர் படுகாயமடைந்து மட்டக்களப்பு வைத்தியசாலையில் சிகிச்சை பெற்று வருவதாகவும் ஒருவரின் நிலை கவலைக்கிடமாகவுள்ளதாகவும் வைத்தியசாலை வட்டாரங்கள் தெரிவித்துள்ளன.

மோட்டார் சைக்கிளில் ஓட்டப்பந்தயம்

சம்பவம் தொடர்பில் தெரியவருகையில், ஓட்டமாவடி - மீராவோடை ஊடாக மட்டக்களப்பு வைத்தியசாலைக்கு பயணிகளை ஏற்றிச் செல்லும் இலங்கை போக்குவரத்து சபையின் வாழைச்சேனை கிளை பேருந்து வண்டியில் மோட்டார் சைக்கிள் மோதி விபத்து இடம்பெற்றுள்ளது.

மட்டக்களப்பில் இடம்பெற்ற மோட்டார் சைக்கிள் விபத்து: ஒருவரின் நிலை கவலைக்கிடம் | A Motorcycle Racing Accident

இதன்போது வீதியால் மூன்று மோட்டார் சைக்கிளில் ஓட்டப்பந்தயத்தில் ஈடுபட்ட இளைஞர்களே விபத்தில் சிக்கியுள்ளதாக காவல்துறையினரின் ஆரம்பக்கட்ட விசாரணைகளில் இருந்து தெரியவந்துள்ளது.

இது தொடர்பான மேலதிக விசாரணைகளை வாழைச்சேனை காவல்துறையினர் மேற்கொண்டு வருகின்றனர்.