உணவுகளில் ஈக்கள்! மன்னாரில் சுகாதாரமற்ற முறையில் இயங்கிய உணவகம் மீது நடவடிக்கை

Mannar Law and Order Public Health Inspector

By Independent Writer Oct 15, 2026 10:59 AM GMT

Independent Writer

in சமூகம்

Report

Courtesy: நயன்

மன்னார் நகர சபைக்குட்பட்ட பகுதிகளில் மன்னார் நகர பொது சுகாதாரப் பரிசோதகரினால் மேற்கொள்ளப்பட்ட பரிசோதனையின்போது, சுகாதாரமற்ற நிலையில் இயங்கி வந்த உணவகம் ஒன்றில் பல்வேறு சுகாதாரக் குறைபாடுகள் கண்டறியப்பட்டுள்ளன.

குறித்த உணவகத்தில் உணவுப் பொருட்களில் ஈக்கள் காணப்பட்டதுடன், உணவு தயாரிப்பு மற்றும் சேமிப்பு இடங்களிலும் சுகாதாரக் குறைபாடுகள் அவதானிக்கப்பட்டுள்ளன.

மேலும், சுகாதாரமற்ற குளிர்சாதனப் பெட்டிகளில் உணவுப் பொருட்கள் சேமிக்கப்பட்டமை, உணவு தயாரிப்பதற்குப் பயன்படுத்தப்படும் பொருட்களைச் சுகாதாரமான முறையில் பராமரிக்காமை மற்றும் கழிவுநீரை முறையற்ற வகையில் வெளியேற்றுதல் உள்ளிட்ட குறைபாடுகளும் கண்டறியப்பட்டுள்ளன.

சட்ட நடவடிக்கைகள்

அத்துடன், உணவு தயாரிப்பில் ஈடுபடுவோர் உரிய தனிநபர் சுகாதாரப் பாதுகாப்பு நடைமுறைகளைப் பின்பற்றாமையும் பரிசோதனையின்போது அவதானிக்கப்பட்டுள்ளது.

உணவுகளில் ஈக்கள்! மன்னாரில் சுகாதாரமற்ற முறையில் இயங்கிய உணவகம் மீது நடவடிக்கை | A Restaurant Operating Under Unhygienic Conditions

இதேவேளை, குறித்த உணவகத்திற்கு எதிராக இதற்கு முன்னரும் சுகாதாரக் குறைபாடுகள் தொடர்பில் சட்ட நடவடிக்கைகள் மேற்கொள்ளப்பட்டு வழக்குகள் தொடரப்பட்டுள்ளதாகத் தெரிவிக்கப்படுகிறது.

பொதுமக்களின் சுகாதாரத்திற்குப் பாதிப்பை ஏற்படுத்தக்கூடிய வகையில் உணவு கையாளும் நிறுவனங்கள் செயற்படுவதைத் தடுக்கும் நோக்கில், உரிய சட்ட நடவடிக்கைகள் தொடர்ந்து முன்னெடுக்கப்படும் எனத் தெரிவிக்கப்பட்டுள்ளமை குறிப்பிடத்தக்கது.