கஹதுடுவ பொல்கசோவிட்ட சந்தியில் விபத்து! 6 பேர் வைத்தியசாலையில்
கஹதுடுவ பொல்கசோவிட்ட சந்தியில் இன்று(15) இடம்பெற்ற விபத்தில் 6 பேர் காயமடைந்துள்ளனர்.
பேருந்து ஒன்றும் சொகுசு வான் ஒன்றும் மோதியதில் இந்த விபத்து சம்பவித்துள்ளது.
ஆரம்பக்கட்ட விசாரணை
மத்தேகொடை பகுதியிலிருந்து சென்ற சொகுசு வான் ஒன்று கொழும்பு நோக்கி திரும்புவதற்கு தயாராகிக் கொண்டிருந்த போது அதிவேகமாக பயணித்த தனியார் பேருந்துடன் மோதியுள்ளதாக ஆரம்பக்கட்ட விசாரணைகளில் தெரியவந்துள்ளது.
விபத்தின் பின்னர் பேருந்தின் சாரதியும் நடத்துனரும் சம்பவ இடத்திலிருந்து தப்பிச் சென்று கஹதுடுவ காவல் நிலையத்தில் சரணடைந்துள்ளனர்.
விபத்தில் சொகுசு வானின் சாரதி மற்றும் பயணி ஒருவரும், பாடசாலை மாணவி ஒருவரும், பேருந்தில் பயணித்த மூன்று பெண்களும் காயமடைந்துள்ள நிலையில், வெத்தரை வைத்தியசாலையில் அனுமதிக்கப்பட்டனர்.
மேலதிக விசாரணை
பலத்த காயமடைந்த வானின் சாரதியும், வானின் பயணித்த மேலும் ஒரு நபரும் மேலதிக சிகிச்சைக்காக களுபோவில வைத்தியசாலைக்கு மாற்றப்பட்டுள்ளனர்.
விபத்து தொடர்பான மேலதிக விசாரணைகளை கஹதுடுவ காவல்துறையினர் மேற்கொண்டு வருகின்றனர்.
