அரிசி லொறி கொள்ளை சம்பவம் - சம்பத் மனம்பேரியின் வழக்கு: நீதிமன்றம் உத்தரவு

Sri Lanka Police Sri Lanka Police Investigation Crime

By Thulsi Nov 03, 2026 06:25 AM GMT

Thulsi

in சமூகம்

Report

முன்னாள் காவல்துறை உத்தியோகத்தர் சம்பத் மனம்பேரி உள்ளிட்ட பிரதிவாதிகள் குழுவினருக்கு எதிராகத் தாக்கல் செய்யப்பட்டுள்ள வழக்கின் தீர்ப்பு ஒத்தி வைக்கப்பட்டுள்ளது.

கொழும்பு மேல் நீதிமன்ற நீதிபதி ரஷந்த கோடவெல முன்னிலையில் இந்த வழக்கு விசாரணைக்கு எடுத்துக்கொள்ளப்பட்டது.

இதன்போது குறித்த வழக்கின் தீர்ப்பை எதிர்வரும் நவம்பர் 13 ஆம் திகதி வரை ஒத்தி வைப்பதாக கொழும்பு மேல் நீதிமன்றம் உத்தரவிட்டுள்ளது.

நீதிமன்றத்தில் முன்னிலை

இதன்போது, விளக்கமறியலில் வைக்கப்பட்டிருந்த பிரதிவாதியான சம்பத் மனம்பேரி நீதிமன்றத்தில் முன்னிலைப்படுத்தப்பட்டிருந்ததுடன் ஏனைய பிரதிவாதிகளும் நீதிமன்றத்தில் முன்னிலையாகியிருந்தனர்.

அரிசி லொறி கொள்ளை சம்பவம் - சம்பத் மனம்பேரியின் வழக்கு: நீதிமன்றம் உத்தரவு | Adjournment Of Sampath Manamperi S Case

இதன்போது, இந்த வழக்கின் தீர்ப்பு நவம்பர் 13 ஆம் திகதி அறிவிக்கப்படும் என நீதிபதி உத்தரவிட்டார்.

கடந்த 2009 ஆம் ஆண்டு நாரஹேன்பிட்டி பகுதியில் அரிசி லொறி ஒன்றை கொள்ளையிட்ட சம்பவம் தொடர்பில் சம்பத் மனம்பேரி உள்ளிட்ட பிரதிவாதிகள் குழுவினருக்கு எதிராக சட்டமா அதிபரால் இந்த வழக்கு தாக்கல் செய்யப்பட்டுள்ளது.