மேலுமொரு இறக்குமதி வரியும் குறைக்கப்பட்டுள்ளது!

Economy of Sri Lanka Value Added Tax (VAT)

By Kathirpriya Mar 31, 2024 07:13 AM GMT

Kathirpriya

in பொருளாதாரம்

Report

இலங்கை - சிங்கப்பூர் சுதந்திர வர்த்தக உடன்படிக்கையின் கீழ் இறக்குமதி செய்யப்படும் பல பொருட்களுக்கான துறைமுகம் மற்றும் விமான நிலைய அபிவிருத்தி வரியை குறைக்க அரசாங்கம் நடவடிக்கை எடுத்துள்ளது.

கடந்த மார்ச் மாதம் 29 ஆம் திகதி முதல் நடைமுறைக்கு வரும் வகையில் 10 சதவீத வரியை 6 சதவீதமாக குறைக்க நடவடிக்கை எடுக்கப்பட்டுள்ளதாக நிதியமைச்சு தெரிவித்துள்ளது.

இதன்படி, இலங்கை - சிங்கப்பூர் சுதந்திர வர்த்தக உடன்படிக்கையின் கீழ் இறக்குமதி செய்யப்படும் சீமெந்து, அப்பிள் உள்ளிட்ட பழங்கள் மற்றும் குழந்தகைளுக்குரிய பால்மா ஆகியவற்றுக்கு விதிக்கப்படும் வரி 6 சதவீதமாக குறைக்கப்பட்டுள்ளது.

பாடசாலை உபகரணங்கள்

மேலும், பாடசாலை உபகரணங்கள், எழுதுபொருட்கள், ஆடைகளுக்கான மூலப்பொருட்கள், வாகன உதிரிப்பாகங்கள், மோட்டார் சைக்கிள், சைக்கிள் உதிரிப்பாகங்கள் ஆகியவற்றுக்கான துறைமுகம் மற்றும் விமான நிலைய அபிவிருத்தி வரி 10 சதவீதத்திலிருந்து 6 சதவீதமாக குறைக்கப்பட்டுள்ளதாகவும் தெரிவிக்கப்படுகிறது.

மேலுமொரு இறக்குமதி வரியும் குறைக்கப்பட்டுள்ளது! | Another Import Tax Reduction In Srilanka

மருந்துகள், சத்திரசிகிச்சை உபகரணங்கள், மின்சார உபகரணங்கள், குளியலறை உபகரணங்கள், பொலித்தீன் மற்றும் பிளாஸ்டிக், அலுமினியம் மற்றும் மரப் பொருட்களுக்கு விதிக்கப்படும் வரிகளை திருத்துவதற்கும் நடவடிக்கை எடுக்கப்பட்டுள்ளமை குறிப்பிடத்தக்கது.