திரிபோஷா நிறுவனத்தை மூடுவதற்கு அநுர அரசு நடவடிக்கை! முன்வைக்கப்பட்ட கோரிக்கை

Anura Kumara Dissanayaka Sri Lanka Sri Lankan Peoples

By Harrish Nov 07, 2024 12:20 PM GMT

Harrish

in அரசியல்

Report

திரிபோஷா நிறுவனத்தை மூடுவதற்கு தீர்மானித்துள்ள விடயத்தில் அரசாங்கம் தனது நிலைப்பாட்டை மாற்றிக் கொள்ள வேண்டும் என்று ஐக்கிய ஜனநாயகக் குரல் கட்சியின் பேச்சாளரான ரவி குமுதேஷ் தெரிவித்துள்ளார்.

கொழும்பில் இன்று(07.11.2024) இடம்பெற்ற செய்தியாளர் சந்திப்பின்போதே அவர் இவ்வாறு குறிப்பிட்டுள்ளார்.

வர்த்தமானி அறிவித்தல்

அவர் மேலும் தெரிவிக்கையில், “திரிபோஷா நிறுவனம் குறித்து புதிய அரசாங்கமானது ஆட்சிக்கு வந்து முதலாவதாக வெளியிட்டுள்ள வர்த்தமானி அறிவித்தல் தொடர்பாகவே நாம் கவனம் செலுத்தியுள்ளோம்.

திரிபோஷா நிறுவனத்தை மூடுவதற்கு அநுர அரசு நடவடிக்கை! முன்வைக்கப்பட்ட கோரிக்கை | Anura Government Close Down Thriposha Limited

இதனை திடீரென வெளியிட்ட ஒரு வர்த்தமானி அறிவித்தலாக கருதிவிட முடியாது.

2024 செப்டம்பர் 27 ஆம் திகதியிடப்பட இந்த வர்த்தமானியில், குறிப்பிடப்பட்டுள்ள விடயங்களுக்கு இணங்க வரையறுக்கப்பட்ட திரிபோஷா நிறுவனத்தை மூட நடவடிக்கை எடுக்கப்பட்டுள்ளது.

திரிபோஷா திட்டம்

திரிபோஷா என்பது வறுமைக் கோட்டுக்கு கீழ் வாழும் மக்களுக்கான போஷாக்கு திட்டம் என்றால் அது மிகையாகாது. திரிபோஷா திட்டத்தை இல்லாமல் செய்ய கடந்த காலத்திலிருந்து பலர் முயற்சி செய்து வருகிறார்கள்.

எனவே, இந்த விடயத்தில் அரசாங்கத்திற்கு பிழையான ஆலோசனை வழங்கப்பட்டுள்ளது. இது தொடர்பாக அரசாங்கம் மீள் பரிசீலனை செய்ய வேண்டும்” என அவர் தெரிவித்துள்ளார்.