பறப்பில் ஈடுபட்ட சிறிலங்கன் விமானத்தில் ரகளையில் ஈடுபட்ட இந்தியர்கள்

SriLankan Airlines Sri Lanka Police India Arrest

By Jaso Nov 02, 2026 10:55 AM GMT

Jaso

in சமூகம்

Report

சிட்னியிலிருந்து கட்டுநாயக்க நோக்கிப் பறந்துகொண்டிருந்த சிறிலங்கன் விமானத்தில் நள்ளிரவில் ஏற்பட்ட அமைதியின்மை காரணமாக விமானத்தின் கதவு ஒன்றுக்கு சேதம் ஏற்பட்டதாக கட்டுநாயக்க விமான நிலையத்திலிருந்து செய்தி வெளியாகியுள்ளது. இந்த எதிர்பாராத சம்பவத்தை எதிர்கொண்டது சிறிலங்கன் ஏர்லைன்ஸ் நிறுவனத்திற்கு சொந்தமான UL 607 விமானம் ஆகும்.

கடந்த 31ஆம் திகதி நள்ளிரவில் இந்த விமானப் பயணத்தின் போது மூன்று பயணிகள் மதுபோதையில் கலவரமாக நடந்துகொண்டதாக காவல்துறை தகவல்கள் தெரிவிக்கின்றன. விமானத்தில் வழங்கப்பட்ட உணவு தொடர்பாக விமானப் பணிப்பெண்களுடன் ஏற்பட்ட தகராறு இந்த அமைதியின்மைக்கு காரணமாக அமைந்தது.

விமானப் பணிப்பெண்களுடன் ஏற்பட்ட தகராறு

தகராறு முற்றியதால், கலவரமான பயணிகள் உணவுப் பொருட்களை வைத்திருந்த தள்ளுவண்டியை வேகமாகத் தள்ளியதாகவும், அது விமானத்தின் கதவில் மோதியதால் கதவுக்கு சேதம் ஏற்பட்டதாகவும் காவல்துறையினர் தெரிவித்தனர்.

பறப்பில் ஈடுபட்ட சிறிலங்கன் விமானத்தில் ரகளையில் ஈடுபட்ட இந்தியர்கள் | Indian Man Open Door Of Srilankan Fligh

மறுநாள் (01) விமானம் கட்டுநாயக்க விமான நிலையத்தில் தரையிறங்கிய பின்னர், விமானத்தின் தலைமை விமானப் பணிப்பெண் இது தொடர்பாக கட்டுநாயக்க விமான நிலைய காவல்துறையில் உத்தியோகபூர்வமாக முறைப்பாடு செய்தார்.

மூன்று இந்திய பிரஜைகள் கைது

அந்த முறைப்பாட்டின் அடிப்படையில் செயற்பட்ட விமான நிலைய காவல்துறை அதிகாரிகள் சம்பந்தப்பட்ட மூன்று கலவரமான பயணிகளையும் விமான நிலையத்திலேயே கைது செய்தனர்.

காவல்துறையினர் தெரிவித்தபடி, இவ்வாறு கைது செய்யப்பட்டவர்கள் இரண்டு இந்திய பிரஜைகளும், பிரித்தானிய குடியுரிமை கொண்ட ஒரு இந்திய பிரஜையும் ஆவர். இவர்கள் சிட்னியிலிருந்து கட்டுநாயக்க வழியாக இடைமாற்றுப் பயணிகளாக டெல்லிக்குச் செல்லும் நோக்குடன் இந்த விமானப் பயணத்தில் ஈடுபட்டிருந்தனர்.

இருப்பினும், விமானத்தில் மதுபோதையில் நடந்துகொண்டது மற்றும் சொத்து சேதம் காரணமாக அவர்களின் டெல்லி பயணம் கட்டுநாயக்க விமான நிலைய காவல்துறை காவலால் தற்காலிகமாக நிறுத்தப்பட்டுள்ளது.