ஆசியாவின் சிறந்த 10 கடற்கரைகளின் பட்டியல் - இலங்கைக்கு கிடைத்த இடம்
Thulsi
in பொருளாதாரம்
ஆசியாவின் சிறந்த 10 கடற்கரைகளுக்குள் இலங்கையின் மிரிஸ்ஸ மற்றும் பெந்தோட்டை கடற்கரைகள் இடம்பிடித்துள்ளன.
இந்த பட்டியலில் மிரிஸ்ஸ கடற்கரை 05ஆவது இடத்தையும், பெந்தோட்டை கடற்கரை 07ஆவது இடத்தையும் வென்று சாதனை படைத்துள்ளன.
உலகப் புகழ்பெற்ற சுற்றுலா இணையதளமான Tripadvisor வெளியிட்டுள்ள 2026ஆம் ஆண்டிற்கான “Travelers’ Choice Awards Best of the Best” தரவரிசை பட்டியலில் குறித்த விடயம் தெரிவிக்கப்பட்டுள்ளது.
சுற்றுலாப் பயணிகள்
இந்த அங்கீகாரம் ஆசியாவில் கடற்கரை சுற்றுலாவிற்கு முன்னணி இடமாக இலங்கையின் நிலையை மேலும் உறுதிப்படுத்துகிறது.
சுற்றுலாத்துறையில் மிக உயர்ந்த தரத்தைப் பேணும் இடங்களுக்கே இந்த “Best of the Best” விருது வழங்கப்படுவதாக Tripadvisor தெரிவித்துள்ளது.
கடந்த 12 மாத காலப்பகுதியில் உலகெங்கிலும் உள்ள சுற்றுலாப் பயணிகள் வழங்கிய பெருமளவிலான கருத்துக்கணிப்புகள் (Reviews) மற்றும் அவர்களின் விருப்பங்களின் அடிப்படையிலேயே இந்தத் தரவரிசை தீர்மானிக்கப்பட்டுள்ளது.
இலங்கையின் தென் கடற்கரையில் அமைந்துள்ள மிரிஸ்ஸ, அதன் இயற்கை அழகு மற்றும் அமைதியான கடல் அலைகளுக்காகப் பாராட்டப்பட்டுள்ளது.
குறிப்பாக, சர்பிங் (Surfing) விளையாட்டுக்கு புகழ்பெற்ற ‘Mirissa Right’ பகுதி மற்றும் ‘Coconut Tree Hill’ பகுதியில் காணப்படும் சூரிய அஸ்தமனக் காட்சி சுற்றுலாப் பயணிகளால் அதிகம் சிலாகிக்கப்பட்டுள்ளது.
ஆசியாவின் சிறந்த கடற்கரைகள்
இது நீர் விளையாட்டுகளுக்கான (Water Sports) உலகப் புகழ்பெற்ற இடமாகும். ஜெட் ஸ்கீ (Jet skiing), கைட் சர்பிங் (Kitesurfing) வசதிகள் மற்றும் அங்குள்ள பரந்த வெள்ளை மணற்பரப்பு என்பன பயணிகளின் அமோக ஆதரவைப் பெற்றுள்ளன.
2026 ஆசியாவின் சிறந்த கடற்கரைகள் பட்டியல்: பனானா கடற்கரை (Banana Beach) – தாய்லாந்து கெலிங்கிங் கடற்கரை (Kelingking Beach) – இந்தோனேசியா ராதாநகர் கடற்கரை (Radhanagar Beach) – இந்தியா பாலோலம் கடற்கரை (Palolem Beach) – இந்தியா மிரிஸ்ஸ கடற்கரை (Mirissa Beach) –
இலங்கை வைட் பீச் (White Beach) – பிலிப்பைன்ஸ் பெந்தோட்டை கடற்கரை (Bentota Beach) – இலங்கை ரைலே கடற்கரை (Railay Beach) – தாய்லாந்து நுசா துவா கடற்கரை (Nusa Dua Beach) – இந்தோனேசியா செனாங் கடற்கரை (Cenang Beach) – மலேசியா இந்த சர்வதேச அங்கீகாரமானது இலங்கையின் சுற்றுலாத்துறையின் எதிர்கால வளர்ச்சிக்கு பெரும் உந்துசக்தியாக அமையும் என எதிர்பார்க்கப்படுகிறது.
| செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
நாரந்தனை, யாழ்ப்பாணம், London, United Kingdom, Gloucester, United Kingdom, Lancaster, United Kingdom
23 Feb, 2025
புங்குடுதீவு 3ம் வட்டாரம், கோண்டாவில் கிழக்கு, Toronto, Canada
23 Feb, 2025
யாழ்ப்பாணம், கொழும்பு, Kajang, Malaysia, London, United Kingdom, Birmingham, United Kingdom
21 Feb, 2025
