பாதாள உலக குழுவை அச்சத்திற்குள்ளாக்கிய ஒலுகல தீவிர சிகிச்சை பிரிவில்...!

Colombo Sri Lanka Colombo National Hospital

By Shalini Balachandran Feb 05, 2026 06:11 AM GMT

Shalini Balachandran

in சமூகம்

Report

Courtesy: சுடரோன்

அவசரநிலை காரணமாக உதவி காவல் கண்காணிப்பாளர் ரோஹான் ஒலுகல தற்போது கொழும்பு தேசிய மருத்துவமனையின் தீவிர சிகிச்சைப் பிரிவில் சிகிச்சை பெற்று வருவதாகத் தெரிவிக்கப்படுகின்றது.

கடந்த 30 ஆம் திகதி இரவு ஏற்பட்ட திடீர் உடல்நலக் குறைவு காரணமாக, ஆரம்ப சிகிச்சைக்காக அவர் முதலில் கொத்தலாவல பாதுகாப்புப் பல்கலைக்கழக மருத்துவமனையில் அனுமதிக்கப்பட்டார்.

காவல் கண்காணிப்பாளர் பிரியந்த வீரசூரியவின் அறிவுறுத்தலின் பேரில் உதவி காவல் கண்காணிப்பாளர் அந்த மருத்துவமனையில் சிகிச்சை பெற்று வந்தபோது, சிறப்பு மருத்துவக் குழு அவரைப் பரிசோதித்தது.

மேலதிக சிகிச்சை

மேலும் மருத்துவரின் பரிந்துரையின் பேரில், மேலதிக சிகிச்சைக்காகக் கொழும்பு தேசிய மருத்துவமனைக்கு மாற்ற நடவடிக்கை எடுக்கப்பட்டதாகத் தெரிவிக்கப்படுகின்றது.

பாதாள உலக குழுவை அச்சத்திற்குள்ளாக்கிய ஒலுகல தீவிர சிகிச்சை பிரிவில்...! | Asp Rohan Olugala Icu Colombo National Hospital

தற்போது, அவர் தேசிய மருத்துவமனையின் தீவிர சிகிச்சைப் பிரிவின் மருத்துவ மேற்பார்வையில் உள்ளதாகக் காவல்துறை வட்டாரங்கள் தெரிவிக்கின்றன.

மேலும் ஊடகங்களின் கேள்விக்குப் பதிலளிக்கும் விதமாக, ரோஹன் ஒலுகலவின் உடல்நிலை தற்போது முன்னேற்றம் அடைந்து வருவதாகக் காவல் ஆய்வாளர் உறுதிப்படுத்தியுள்ளமை குறிப்பிடத்தக்கது.