“ஆணைக்குழுக்கள் தேவையில்லை எமது உறவுகளே தேவை”காணாமல் ஆக்கப்பட்டோரினதுஉறவுகள்!

Vavuniya SL Protest Eastern Province Northern Province of Sri Lanka

By Shadhu Shanker Dec 30, 2023 09:52 AM GMT

Shadhu Shanker

in சமூகம்

Report

வடகிழக்கு வலிந்து காணாமல் ஆக்கப்பட்ட உறவுகளின் சங்கத்தினரால் ஆர்ப்பாட்டம் ஒன்று முன்னெடுக்கப்பட்டுள்ளது.

வவுனியா பழையபேருந்து நிலையத்திற்கு முன்பாக இன்று (30) காலை குறித்த போராட்டம் முன்னெடுக்கப்பட்டது.

“சர்வதேச நீதிக்காக போராடிவரும் நாம் பல வருடங்கள் கடந்தும் நீதிமறுக்கப்பட்டநிலையில் தொடர்ச்சியாக ஏமாற்றத்திற்குள்ளாகிவருகின்றோம்.

ஆணைக்குழுக்கள் மீது நம்பிக்கை இல்லை

அத்துடன் இலங்கை அரசின் ஆணைக்குழுக்கள் மீதும் அதன் விசாரணைகள் மீதும் நாம் முற்றாக நம்பிக்கை இழந்துள்ளோம். இந்த நாட்டில் உள்ளவர்களே போரை உருவாக்கி தமிழர்களை அளித்தார்கள்.

“ஆணைக்குழுக்கள் தேவையில்லை எமது உறவுகளே தேவை”காணாமல் ஆக்கப்பட்டோரினதுஉறவுகள்! | Association Of Disappeared Relatives Of North East

எனவே அவர்களால் உருவாக்கப்படும் ஆணைக்குழுக்கள் மீதும் அலுவலகங்கள் மீதும் எமக்கு துளியும் நம்பிக்கை இல்லை.

இழப்பீடு வழங்குவதும் மரணச்சான்றிதழ் வழங்குவதுமே அவர்களது நோக்கமாக உள்ளது. எமக்கு அது தேவையில்லை.

எமது உறவுகளே தேவை

எமது உறவுகளே தேவை. 12 ஆணைக்குழுக்களுக்கு மேல் அமைத்து விட்டார்கள். அனைத்துமே ஏமாற்று நாடகம். எனவே பிறக்கின்ற புதிய வருடத்திலாவது எமக்கான நீதியை வழங்குவதற்கு சர்வதேச சமூகம் முன்வரவேண்டும்.” என ஆர்ப்பாட்டத்தில் கலந்து கொண்டோர் கருத்து தெரிவித்தனர்.