போலியான ஆவணத்தில் வெளிநாட்டு பயணம்: இரு பெண்கள் கைது

Bandaranaike International Airport Sri Lanka Passport

By Shalini Balachandran Apr 29, 2024 01:29 PM GMT

Shalini Balachandran

in சமூகம்

Report

போலியான பயண ஆவணங்கள் மூலம் 17 வயது சிறுவனை வெளிநாட்டுக்கு அனுப்பும் முயற்சியில் ஈடுபட்ட இரண்டு பெண்கள் பண்டாரநாயக்க சர்வதேச விமான நிலையத்தில் கைது செய்யப்பட்டுள்ளனர்.

குறித்த கைது நடவடிக்கையானது விமான நிலையத்தில் குடிவரவு குடியகல்வு திணைக்களத்தின் எல்லை கண்காணிப்பு பிரிவினரால் மேற்கொள்ளப்பட்டுள்ளது.

இது தொடர்பாக தெரியவருகையில், முல்லைத்தீவைச் சேர்ந்த சந்தேகத்திற்கிடமான பெண் ஒருவர் சிறுவனுடன் லண்டன் செல்லத் திட்டமிட்டுள்ளார்.

தொழில்நுட்ப சோதனை

இந்நிலையில் அவர்கள் புறப்படுவதற்காக அழைக்கப்பட்ட போது அவர்களது பயண ஆவணங்களில் சில முறைகேடுகள் இருப்பதாக சந்தேகிக்கப்பட்டுள்ளது.

போலியான ஆவணத்தில் வெளிநாட்டு பயணம்: இரு பெண்கள் கைது | Attempt To Send Child Abroad On Forged Documents

இதையடுத்து சந்தேகத்தின் பேரில் அதிகாரிகள் அவர்களை மேலதிக ஆய்வுக்காக எல்லைக் கண்காணிப்புப் பிரிவுக்கு அனுப்பியுள்ளனர்.

தொழில்நுட்ப சோதனைக்குப் பிறகு பயண ஆவணங்கள் போலியானவை என்பதை கண்டறிந்து கேமராவில் விசாரணை நடத்தியதில் சிறுவன் தன்னுடன் வந்த பெண் அவனது தாய் இல்லை என்றும் மற்றும் அவனது தாய் வெளியில் காத்திருப்பதையும் தெரிவித்துள்ளார்.

பொருளாதார நெருக்கடி

இந்நிலையில் இரு பெண்களையும் கைது செய்த அதிகாரிகள் அவர்களிடம் விசாரணை நடத்தியதில் தற்போது ஏற்பட்டுள்ள பொருளாதார நெருக்கடி காரணமாகவும் குழந்தையின் முன்னேற்றத்திற்காகவும் சிறுவனை வெளிநாட்டுக்கு அனுப்ப முயற்சித்துள்ளனர்.

போலியான ஆவணத்தில் வெளிநாட்டு பயணம்: இரு பெண்கள் கைது | Attempt To Send Child Abroad On Forged Documents

மேலும் மனிதக் கடத்தலுக்குப் பொறுப்பான இங்கிலாந்தில் வசிக்கும் கொள்ளையர் ஒருவர் தனது மனைவி மற்றும் மகனின் விவரங்களின் அடிப்படையில் சம்பவத்துடன் தொடர்புடைய சிறுவன் மற்றும் பெண்ணின் பயண ஆவணங்களை போலியாக தயாரித்துள்ளதைக் கண்டறிய குற்றப் புலனாய்வுப் பிரிவினர் மேலதிக விசாரணைகளை மேற்கொண்டுள்ளமை குறிப்பிடத்தக்கது.