சமூக ஊடகங்களில் வைரலாகும் விமான பெண் ஊழியர்
அவுஸ்திரேலியாவின் (Australia) விர்ஜின் விமான நிறுவனத்தில் இணைந்துள்ள பெண்ணொருவர் தற்போது சமூக ஊடகங்களில் அதிக பாராட்டையும் மற்றும் நன்மதிப்பையும் பெற்று வருகின்றார்.
இந்தநிலையில், விசேட தேவையுடைய அலே சேயர்ஸ் என்ற குறித்த பெண் தனது திறமையால் விமான நிறுவனத்தில் கடமைகளை பொறுப்பேற்று கொண்டுள்ளார்.
அவர் சீருடையுடன் உள்ள புகைப்படமானது தற்போது சமூக ஊடகங்களில் அதிகம் பகிரப்பட்டு வருவதுடன் அலே சேயர்ஸ் பிறப்பிலிருந்தே விசேட தேவை உடைய பெண்ணாக காணப்பட்டுள்ளார்.
தனித்துவ திறமை
இருப்பினும், தனது தனித்துவ திறமையாலும் மற்றும் அவரது செயற்பாட்டினாலும் சமூகத்திற்கு எடுத்துக்காட்டாக மாறியுள்ள அதேவேளை அலே சேயர்ஸின் தந்தை ஒரு தொழிலதிபர் ஆவார்.
அத்தோடு, தனது மகளின் திறமைகளை வெளிக்கொண்டு வர சிறப்பாக பங்களித்ததாக அவர் தெரிவித்துள்ளதுடன் விர்ஜின் விமான நிறுவனத்திற்கு கடமைப்பட்டுள்ளவனாக இருப்பேன் எனவும் அவர் குறிப்பிட்டுள்ளார்.
மேலும், விர்ஜின் விமான நிறுவனமானது ஒவ்வொரு ஊழியர்களினதும் தனித்துவத்துக்கு மதிப்பளிக்கின்ற விடயம் இதனூடாக வெளிப்படுத்தப்படவுள்ளதாக தெரிவிக்கப்பட்டுள்ளமை குறிப்பிடத்தக்கது.
செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
நெடுந்தீவு, மானிப்பாய், வளசரவாக்கம், India, பளை, திருநாவற்குளம்
22 Feb, 2026
