காரால் மோதி தாக்குதல் : காலை இழந்தார் அவுஸ்திரேலிய பெண் எம்.பி

 நேற்று (20)திங்கள்கிழமை காரால் மோதி நடத்தப்பட்ட தாக்குதலில் படுகாயமடைந்த அவுஸ்திரேலிய பெண் நாடாளுமன்ற உறுப்பினர் ஒருவர், தனது ஒரு காலை இழந்துள்ளதாக உள்ளூர் ஊடகங்கள் செய்தி வெளியிட்டுள்ளன.

சுயேச்சை நாடாளுமன்ற உறுப்பினர் ஹெலன் ஹெய்ன்ஸ், இந்தச் சம்பவத்தில் மிகக் கடுமையான காயங்களுக்கு உள்ளானதைத் தொடர்ந்து, இரவு நேரத்தில் அறுவை சிகிச்சைக்கு உட்படுத்தப்பட்டார்.

எம்.பியின் அலுவலகத்திற்கு வெளியே நடந்த சம்பவம்

 தேசிய ஒளிபரப்பு நிறுவனமான ஏபிசி (ABC) மற்றும் 'சிட்னி மோர்னிங் ஹெரால்ட்' நாளிதழ் ஆகியவை, அவரது ஒரு கால் அகற்றப்பட்டதாகச் இன்று (20)செவ்வாய்க்கிழமை செய்தி வெளியிட்டுள்ளன.

விக்டோரியா மாநிலத் தலைநகரான மெல்போர்னுக்கு வடகிழக்கே உள்ள வாங்காராட்டாவில், ஹெய்ன்ஸின் தொகுதி அலுவலகத்திற்கு வெளியே இந்தச் சம்பவம் நிகழ்ந்துள்ளது.

இது குறித்து காவல்துறை விசாரணை நடத்தி வரும் நிலையில், பயங்கரவாத எதிர்ப்புப் புலனாய்வு அதிகாரிகளும் இந்த விசாரணையில் இணைந்துள்ளனர்.

பங்களாதேஷ் தம்பதிகளுக்கு சவூதி அரேபியாவில் நிறைவேற்றப்பட்ட மரண தண்டனை!

எம்.பி மீது மோதிய வெள்ளை நிற கார்

65 வயதான ஹெய்ன்ஸ், தனது அலுவலகத்திற்கு வெளியே நின்றிருந்தபோது, ​​வெள்ளை நிற டொயோட்டா எஸ்யூவி (SUV) ரக கார் ஒன்று அவர் மீது மோதியது. இதில் அவர், குறிப்பாக உடலின் கீழ் பகுதியில் பலத்த காயங்களுக்கு உள்ளானார்.

சம்பவத்தைக் நேரில் பார்த்தவர்கள், ஏபிசி ஊடகத்திடம் பேசுகையில், ஒரு பலத்த சத்தம் கேட்டதாகவும், அதன் பிறகு ஒரு பெண் இரண்டு கார்களுக்கு இடையில் சிக்கியிருப்பதைக் கண்டதாகவும் தெரிவித்தனர்.

பிரதமரின் தகவல்

பிரதமர் அந்தோணி அல்பனீஸின் தகவல்படி, 43 வயதுடைய நபர் ஒருவர் இந்தச் சம்பவத்தில் தொடர்புடையவர் எனக் கருதப்பட்டு கைது செய்யப்பட்டுள்ளார்.

ஹெய்ன்ஸ் தனது காரின் பின்புறத்தில் (டிரங்கில்) பொருட்களை ஏற்றிக்கொண்டிருந்தபோது அல்லது இறக்கிக்கொண்டிருந்தபோது, ​​அந்த ஓட்டுநர் காரைத் திருப்பி (U-turn) அவர் மீது மோதியதாக ஆரம்பகட்ட விசாரணையில் தெரியவந்துள்ளதாக பிரதமர் அல்பனீஸ் தெரிவித்தார்.

"இது விபத்து அல்ல; திட்டமிட்டுச் செய்யப்பட்ட செயலாகவே தெரிகிறது" என்று அவர் ஏபிசி ஊடகத்திடம் கூறினார்.

ஹெய்ன்ஸ், 2019-ல் நாடாளுமன்றத்திற்குத் தேர்ந்தெடுக்கப்படுவதற்கு முன்பு, செவிலியராகவும் மகப்பேறு உதவியாளராகவும் பணியாற்றியவர். அவர் தீவிரமான காலநிலை மாற்ற நடவடிக்கைகளை ஆதரிப்பவர் என்று அறியப்படுகிறார். 

இசையமைப்பாளர் தேவா வீட்டில் மற்றுமொரு சோகம்: நடிகர் கார்த்திக் காலமானார்