பதவி விலகினார் பசில்! நாட்டை விட்டு வெளியேறினார் புஷ்பா ராஜபக்ச
முன்னாள் அமைச்சர் பசில் ராஜபக்ச சற்று முன்னர் தனது நாடாளுமன்ற பதவி விலகல் கடிதத்தை கையளித்துள்ளார்.
அத்துடன் இனிவரும் காலங்களில் அரசாங்கத்தில் எந்தவிதமான பொறுப்புக்களையும் வகிக்கப் போவதில்லை என்றும் அவர் அறிவித்துள்ளார்.
இந்நிலையில், பசில் ராஜபக்சவின் மனைவி இன்று காலை கட்டுநாயக்க சர்வதேச விமான நிலையத்தில் இருந்து நாட்டை விட்டு வெளியேறியுள்ளதாக தகவல்கள் வெளியாகியுள்ளன.
அந்த வகையில் அதிகாலை 3.15 மணியளவில் எமிரேட்ஸ் விமான மூலம் கட்டுநாயக்க விமான நிலையத்திலிருந்து டுபாய் சென்றுள்ளதாகவும் அங்கிருந்து அமெரிக்கா செல்லவுள்ளதாகவும் தகவல்கள் குறிப்பிடுகின்றன.
பசிலின் விசேட அறிவிப்பு
இதேவேளை, பதவி விலகலுக்கான காரணம் தொடர்பில் விளக்கும் விசேட ஊடகவியலாளர் சந்திப்பொன்று சற்று முன்னர் சிறிலங்கா பொதுஜன பெரமுனவின் தலைமையகத்தில் நடைபெற்று வருகிறது.
பசில் வெளியே தம்மிக்க உள்ளே
இதேவேளை, பசில் ராஜபக்சவின் பதவி விலகலால் ஏற்படும் வெற்றிடத்திற்கு இலங்கையின் முன்னணி தொழிலதிபர் தம்மிக்க பெரேரா நியமிக்கப்பட உள்ளதாகத் தெரிவிக்கப்படுகிறது.
அவர் ஏற்கனவே சிறிலங்கா பொதுஜன பெரமுனவின் உறுப்புரிமையை பெற்றுள்ளதாகவும் கட்சி வட்டாரங்கள் தெரிவிக்கின்றன
பருத்தித்துறை, ஓமான், Oman, India, London, United Kingdom
06 Mar, 2024
பதுளை, புங்குடுதீவு 6ம் வட்டாரம், யாழ்ப்பாணம், Paris, France
28 Feb, 2026
