கட்டுநாயக்க விமான நிலையத்தில் வந்திறங்கிய பிரித்தானிய பிரஜை கைது

Sri Lanka Police Bandaranaike International Airport United Kingdom

By Sumithiran Jan 09, 2024 04:34 PM GMT

Sumithiran

in குற்றம்

Report

கட்டுநாயக்க விமான நிலையத்தில் வந்திறங்கிய பிரித்தானிய பிரஜை ஒருவர் கைது செய்யப்பட்டுள்ளார்.

சிறி லங்கன் எயார்லைன்ஸ் விமானமான UL-504 இல் நேற்றைய தினம் (08) கட்டுநாயக்க விமான நிலையத்தை வந்தடைந்த 53 வயதான பிரித்தானிய பிரஜையே கைது செய்யப்பட்டவர் என காவல்துறையினர் தெரிவித்தனர்.

கைதான பிரித்தானிய பிரஜையிடம்

கட்டுநாயக்க விமான நிலைய வருகை முனையத்தில் காவல்துறை போதைப்பொருள் தடுப்பு பிரிவின் அதிகாரிகள் குழுவினர் சோதனை நடவடிக்கையில் ஈடுப்பட்டிருந்த போது குறித்த பிரித்தானிய பிரஜையிடம் கஞ்சா பொதிகள் மற்றும் விதைகள் இருந்தமை கண்டு பிடிக்கப்பட்டுள்ளது.

கட்டுநாயக்க விமான நிலையத்தில் வந்திறங்கிய பிரித்தானிய பிரஜை கைது | British National Arrested At Katunayake Airport

இவரிடமிருந்து 08 பொதிகளில் 40 கிராம் கஞ்சா மற்றும் 58 கஞ்சா விதைகள் காவல்துறை போதைப்பொருள் ஒழிப்பு திணைக்கள அதிகாரிகளினால் கைப்பற்றப்பட்டுள்ளது.

கடந்த வருடமும் கைது செய்யப்பட்டவர்

இதேவேளை, பிரித்தானிய பிரஜை எதிர்வரும் மார்ச் மாதம் வரை இலங்கையில் தங்கியிருப்பார் எனவும், கஞ்சா விதைகளை பயிரிட்டு குடிப்பதற்கு கொண்டு வந்துள்ளதாகவும் அதிகாரிகள் மேற்கொண்ட ஆரம்பகட்ட விசாரணைகளின் போது தெரியவந்துள்ளது.

கடந்த ஆண்டு, இந்த பிரித்தானிய பிரஜை இலங்கைக்கு வந்து தங்காலை பகுதியில் தங்கியிருந்த போது 700 கிராமுக்கு அதிகமான “குஷ்” கஞ்சாவுடன் காவல்துறை போதைப்பொருள் தடுப்பு பிரிவின் அதிகாரிகள் குழுவினால் கைது செய்யப்பட்டார்.