கனடிய வீட்டு வாடகையாளர்கள் மகிழ்ச்சியின் உச்சத்தில்...!
கனடாவில் வீட்டு வாடகை ஜனவரி மாதத்தில் வருடாந்திர அடிப்படையில் இரண்டு வீதம் குறைந்து சராசரியாக 2,057 டொலராகப் பதிவாகியுள்ளது.
இது தொடர்ந்து 16ஆவது மாதமாக வாடகை விகிதம் குறைந்து வருவதைக் காட்டுவதாகத் தெரிவிக்கப்படுகின்றது.
இந்தநிலையில், கடந்த 31 மாதங்களில் இல்லாத அளவுக்கு ஜனவரியில் வாடகை மிகவும் குறைந்த நிலையில் காணப்பட்டதாகச் சுட்டிக்காட்டப்படுகின்றது.
சராசரி வாடகை
கடந்த இரண்டு ஆண்டுகளுக்கு முன்பிருந்த நிலையை விட 6.3 வீதம் வாடகை குறைந்திருந்தாலும், கொரோனா தொற்றுநோய்க்கு முன்பிருந்த காலப்பகுதியை விட இன்னும் 12.9 வீதம் அதிகமாகும் எனத் தெரிவிக்கப்படுகின்றது.
இருப்பினும், ஆறு ஆண்டுகளுக்குப் பிறகு முதன்முறையாகச் சராசரி வாடகை வருமான விகிதம் (Rent-to-income ratio) 30 வீதத்திற்கும் கீழே சரிந்துள்ளமை வாடகையாளர்களுக்குக் கணிசமான நிம்மதியை அளித்துள்ளது.
அதிகப்படியான வீட்டு வழங்கல் (Supply) சந்தையில் விலைகளைக் குறைக்கின்றது என்பதற்கு இதுவொரு சான்றாகும் என Urbanation நிறுவனத் தலைவர் ஷான் ஹில்டெபிராண்ட் தெரிவித்துள்ளார்.
சந்தை சீராக்கம்
அத்தோடு, கடந்த ஆண்டு 885 சதுர அடியாக இருந்த வாடகை வீடுகளின் சராசரி பரப்பளவு, ஜனவரியில் 857 சதுர அடியாகக் குறைந்ததும் வாடகை வீழ்ச்சிக்கு ஒரு முக்கிய காரணமாக அமைந்துள்ளது.
அதிக வீட்டு வழங்கல் மற்றும் சந்தை சீராக்கம் காரணமாக 2026 ஆம் ஆண்டில் வாடகையாளர்களுக்குச் சாதகமான சூழல் நிலவும் என நிபுணர்கள் மதிப்பிடுகின்றனர்.
இருப்பினும், தொற்றுநோய்க்கு முன்பிருந்த விலைகளுடன் ஒப்பிடுகையில் தற்போதைய வாடகை இன்னும் உயர்ந்தே காணப்படுகின்றமை குறிப்பிடத்தக்கது.
செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
இப்போது போர் நடப்பது சமூக வலைத்தளங்களிலா...... 8 மணி நேரம் முன்
புலோலி கிழக்கு, Villeneuve-Saint-Georges, France
30 Sep, 2026
நெடுந்தீவு மேற்கு, Jaffna, பாண்டியன்குளம், பிரான்ஸ், France, நோர்வே, Norway, ஜேர்மனி, Germany
29 Sep, 2026
மானிப்பாய், Florida, United States, Southgate, United Kingdom
24 Sep, 2026
புங்குடுதீவு 10ம் வட்டாரம், Langenthal, Switzerland
12 Oct, 2020
புங்குடுதீவு 8ம் வட்டாரம், Büren an der Aare, Switzerland
29 Aug, 2026
