பிரித்தானியா சென்று பெருத்த ஏமாற்றம்! கவலையில் நாமல் வெளியிட்ட அறிவிப்பு

லண்டனில் ஒக்ஸ்போர்ட் யூனியன் மற்றும் கேம்ரிஜ் யூனியனில் தனது உரைகள் ரத்து செய்யப்பட்டமைக்கு நாடாளுமன்ற உறுப்பினர் நாமல் ராஜபக்ச கவலை தெரிவித்துள்ளார்.

இது தொடர்பில் அவர் தனது உத்தியோகபூர்வ எக்ஸ் கணக்கில் பதிவொன்றை வெளியிட்டுள்ளார்.

அதில் குறித்த உரைகள் ஒழுங்கமைக்கப்பட்ட அழுத்தங்களின் விளைவாக ரத்து செய்யப்பட்டதாக அவர் கூறியுள்ளார்.

முச்சக்கரவண்டி சாரதி கொலை : சந்தேகநபரான சிறுவன் அதிரடி கைது

மீளப்பெறப்பட்ட அழைப்பு

அத்துடன், இந்த இரு விவாத அமைப்புகளும் சுதந்திர சிந்தனை, தீவிரமான விவாதம் மற்றும் அறிவுசார் ஈடுபாட்டை நீண்ட காலமாக பிரதிநிதித்துவப்படுத்தி வருவதாக தெரிவித்துள்ள நாமல், அறிவார்ந்த பொதுமக்கள் முன் கலந்துரையாடி கேள்விகளை எதிர்கொள்ள ஆவலுடன் இருந்ததாகவும் கூறியுள்ளார்.

The traditions of the Oxford Union and the Cambridge Union have, for generations, represented the highest ideals of free inquiry, rigorous debate, and intellectual courage. Speakers invited to these historic forums are expected to face difficult questions, defend their views, and…

— Namal Rajapaksa (@RajapaksaNamal) February 23, 2026

தமிழ் மாணவர் குழுக்களின் எதிர்ப்பைத் தொடர்ந்து ஒக்ஸ்போர்ட் யூனியன் உரையை ரத்து செய்ததாகவும், திட்டமிடப்பட்ட போராட்டங்களை முன்னிட்டு பாதுகாப்பு காரணங்களால் கேம்பிரிட்ஜ் யூனியன் அழைப்பை மீளப்பெற்றாகவும் பெற்றதாகவும் தகவல்கள் வெளியாகியதை தொடர்ந்து நாமலின் இந்த அறிக்கை வெளியாகியுள்ளது.

இந்த நிலையில், ஒழுங்கமைக்கப்பட்ட அழுத்தங்களால் இந்த நிகழ்வுகள் நடைபெறாமல் போனது வருத்தமளிப்பதாக அவர் தெரிவித்துள்ளார்.

மீண்டும் சந்திக்கும் வாய்ப்பு 

இதேவேளை, பல்கலைக்கழகங்களும் விவாத மேடைகளும் வரலாற்றாக கருத்து வேறுபாடுகளை கலந்துரையாடல் மூலம் தீர்க்கும் இடங்களாக இருந்து வந்துள்ளதாகவும், இடையூறு மூலம் அல்ல எனவும் அவர் சுட்டிக்காட்டியுள்ளார்.

மேலும், தம்முடைய கருத்துகளுக்கு எதிராக இருப்பவர்களுடனும் நேரடியாக உரையாடத் தயாராக இருந்ததாகவும், நல்லிணக்கமும் முன்னேற்றமும் திறந்த உரையாடலின் மூலம் மட்டுமே சாத்தியமெனவும் நாமல் வலியுறுத்தியுள்ளார்.

இவ்வாறானதொரு பின்னணியில், இரு அமைப்புகளும் வழங்கிய அழைப்புகளுக்கு நன்றியினைத் தெரிவித்த அவர், எதிர்காலத்தில் கலந்துரையாடலை ஊக்குவிக்கும் மேடையில் மீண்டும் சந்திக்கும் வாய்ப்பு கிடைக்கும் என நம்பிக்கை வெளியிட்டுள்ளார்.

இத்தாலி மகளிர் கிரிக்கெட் அணியின் இலங்கை பயிற்சியாளர் மீது பாலியல் குற்றச்சாட்டு

ஒரு இலட்சம் லிட்ரோ எரிவாயு இன்று சந்தைக்கு

செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...!