சாமர சம்பத் வழக்கு: பெப்ரவரியில் விசாரணை

Sri Lanka Magistrate Court Bribery Commission Sri Lanka MP Chamara Sampath Dassanayake

By Sindu Nov 03, 2026 07:54 AM GMT

Sindu

in சமூகம்

Report

ஊழல் குற்றச்சாட்டுகள் தொடர்பாக,நாடாளுமன்ற உறுப்பினர் சாமர சம்பத் தசநாயக்க மீது இலஞ்ச ஊழல் ஒழிப்பு ஆணைக்குழு தாக்கல் செய்த வழக்கை, பெப்ரவரி 09ஆம் திகதி மீண்டும் விசாரணைக்கு எடுத்துக்கொள்ளுமாறு கொழும்பு பிரதம நீதிபதி அசங்க எஸ். பொதரகம இன்று (03) உத்தரவிட்டுள்ளார்.

மேலும், சந்தேக நபரான நாடாளுமன்ற உறுப்பினர் சாமர சம்பத், சிறைக் காவலில் இருக்கும்பட்சத்தில், அவரை அந்நாளன்று நீதிமன்றத்தில் முன்னிலைப்படுத்துமாறும் சிறை அதிகாரிகளுக்கு நீதிபதி உத்தரவிட்டார்.

கொழும்பு பிரதம நீதிபதி அசங்க எஸ்.பொதரகம முன்னிலையில் இவ்வழக்கு இன்று (03) விசாரணைக்கு எடுத்துக்கொள்ளப்பட்டது.

தனிப்பட்ட வழக்கில் விளக்கமறியல்

விசாரணையின்போது, இச்சம்பவம் தொடர்பான விசாரணைகள் முடிவடைந்துவிட்டதாகவும், எதிர்காலத் திகதியை நிர்ணயிக்குமாறும் இலஞ்ச ஊழல் ஒழிப்பு ஆணைக்குழு நீதிமன்றத்தில் தெரிவித்தது.

சாமர சம்பத் வழக்கு: பெப்ரவரியில் விசாரணை | Case Against Chamara Investigation On Feb 09

சந்தேக நபர் இன்று நீதிமன்றத்தில் முன்னிலையாகவில்லை. தனது கட்சிக்காரர் ஒரு தனிப்பட்ட வழக்கு தொடர்பாக தற்போது விளக்கமறியலில் வைக்கப்பட்டுள்ளதாக அவரது சட்ட ஆலோசகர் தெரிவித்தார்.

ஊவா மாகாண சபையின் நிலையான வைப்பு வங்கிக் கணக்குகளிலிருந்து முதிர்வுத் திகதிக்கு முன்பே நிதியை எடுத்ததன் மூலம், அரசுக்கு 17.3 மில்லியன் ரூபாய்க்கும் அதிகமான இழப்பை ஏற்படுத்திய சம்பவம் தொடர்பில் அவர் விளக்கமறியலில் வைக்கப்பட்டுள்ளதாக அவரது சட்ட ஆலோசகர் தெரிவித்துள்ளார்.