கோட்டாபயவிற்கு எதிராக வழக்கு....! தமிழ் நாடாளுமன்ற உறுப்பினரின் அதிரடி கோரிக்கை
கோட்டாபய ராஜபக்ஷ மற்றும் யுத்தத்தை முன்னெடுத்தவர்களுக்கு எதிராக வழக்குப் பதிவு செய்ய வேண்டும் என நாடாளுமன்ற உறுப்பினர் ரவிகரன் கோரிக்கை விடுத்துள்ளார்.
முல்லைத்தீவு மாவட்ட அபிவிருத்தி ஒருங்கிணைப்புக் குழுக் கூட்டத்தில் நாடாளுமன்ற உறுப்பினர் துரைராசா ரவிகரன் இதனை வலியுறுத்தியுள்ளார்.
யுத்தத்தினால் இடம்பெயர்ந்த மக்களிடம் காணி ஆவணங்களை கோருவது பொருத்தமற்றது எனவும், யுத்தத்தின் போது காணிகளை விட்டு வெளியேற வேண்டிய நிலை ஏற்பட்டதால் பலரிடம் ஆவணங்கள் இல்லாமல் இருக்கலாம் எனவும் ரவிகரன் தெரிவித்துள்ளார்.
வழக்குப் பதிவு
காணி ஆவணங்கள் கோரப்பட வேண்டுமாயின், அப்போது பாதுகாப்புச் செயலாளராக இருந்து யுத்தத்தை முன்னெடுத்த கோட்டாபய ராஜபக்ஷ மற்றும் யுத்தத்தை முன்னெடுத்த தரப்பினரிடமே, அந்த ஆவணங்களை கோர வேண்டும் என்றும் அவர் வலியுறுத்தியுள்ளார்.
யுத்த காலத்தில் தாக்குதல்கள் நடத்தப்பட்டு, குண்டுகள் வீசப்பட்டதால் மக்களின் இயல்பு வாழ்க்கை பாதிக்கப்பட்டதுடன், ஆவணங்கள் இன்றி ஏதிலிகளாக வெளியேற வேண்டிய நிலை மக்களுக்கு ஏற்பட்டதாகவும் அவர் குறிப்பிட்டுள்ளார்.
எனவே, மக்களை இடம்பெயரச் செய்தமை தொடர்பில் கோட்டாபய ராஜபக்ஷ மற்றும் யுத்தத்தை முன்னெடுத்தவர்களுக்கு எதிராக வழக்குப் பதிவு செய்ய வேண்டும் என மாவட்ட அபிவிருத்தி ஒருங்கிணைப்புக் குழுத் தலைவரிடம் நாடாளுமன்ற உறுப்பினர் ரவிகரன் கோரிக்கை விடுத்துள்ளார்.
திணைக்களத்திற்கு வழங்க முடியாது
அத்துடன், ஏற்கனவே விடுவிக்கத் தீர்மானிக்கப்பட்ட காணிகளுக்கு மேலதிகமாக, மேலும் 10 ஆயிரத்து 462 ஹெக்டயர் காணிகளை வனவளத் திணைக்களம் கோரியுள்ளதாகவும் அவர் குறிப்பிட்டுள்ளார்.
இந்தக் காணிகளை மேலதிகமாக வனவளத் திணைக்களத்திற்கு வழங்க முடியாது எனவும் அவர் தெரிவித்துள்ளார்.
இதனிடையே, ஏற்கனவே விடுவிக்கத் தீர்மானிக்கப்பட்ட சுமார் 43 ஆயிரத்து 150 ஏக்கர் காணிகளை, மக்களிடம் ஆவணங்கள் கோராமல் உடனடியாக விடுவிக்க வேண்டும் என்ற நாடாளுமன்ற உறுப்பினர் ரவிகரனின் முன்மொழிவு, மாவட்ட அபிவிருத்தி ஒருங்கிணைப்புக் குழுக் கூட்டத்தில் ஏற்றுக்கொள்ளப்பட்டுள்ளது.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
புலோலி கிழக்கு, Villeneuve-Saint-Georges, France
30 Sep, 2026
புங்குடுதீவு 9ம் வட்டாரம், புங்குடுதீவு 12ம் வட்டாரம், கொழும்பு
29 Sep, 2026
நெடுந்தீவு மேற்கு, Jaffna, பாண்டியன்குளம், பிரான்ஸ், France, நோர்வே, Norway, ஜேர்மனி, Germany
29 Sep, 2026
நெடுந்தீவு கிழக்கு, கொழும்பு, பாண்டியன்குளம், Brampton, Canada
26 Sep, 2026
மானிப்பாய், Florida, United States, Southgate, United Kingdom
24 Sep, 2026
