இந்தியர்கள் 20 பேருக்கு ஐக்கிய அரபு அமீரகத்தில் அடித்த அதிர்ஷ்டம்: இத்தனை கோடி பணப் பரிசா!
ஐக்கிய அரபு அமீரகத்தில் அதிர்ஷ்ட சீட்டிழுப்பொன்றில் இந்தியாவை சேர்ந்த 20 நண்பர்கள் மொத்தம் ரூ 33 கோடி பணப் பரிசினை பெற்றுள்ளதாக செய்திகள் வெளியாகியுள்ளது.
முகமது ஷெரீப் என்பவர் தலைமையில் அவர்கள் கடந்த 23ம் திகதி வாங்கிய Big Ticket என்ற அதிர்ஷ்ட சீட்டிழுப்பொன்றுக்கே இவ்வாறு 15 மில்லியன் திர்ஹாம் பரிசு கிடைத்துள்ளது.
பணப்பரிசினை வென்ற குறித்த நண்பர்கள் ஐக்கிய அரபு அமீரகத்தில் கட்டுமான நிறுவனங்களிலும் டாக்ஸி சாரதிகளாகவும் பணியாற்றி வருவதாக கூறப்படுகிறது.
அதிர்ஷ்ட சீட்டிழுப்பு
அவர்களுக்கு பணப்பரிசு கிடைத்துள்ள விடயத்தை அதிர்ஷ்ட சீட்டிழுப்பு நிறுவனம் தொலைபேசியில் தொடர்பு கொண்டு தெரிவிக்கையில் முகமது ஷெரீப் நேரலையில் கண்கலங்கியதாகவும் தெரிவிக்கப்படுகிறது.
இந்த இருபது நண்பர்களும் ஒரே குடியிருப்பில் வசித்து வந்ததாகவும் வாய்ப்பு அமையும் போதெல்லாம் Big Ticket அதிர்ஷ்ட சீட்டிலுப்பை வாங்கி வந்துள்ளதாகவும் கூறப்படுகிறது.
இந்திய பண மதிப்பு
இந்நிலையில், அவர்கள் இந்திய பண மதிப்பில் சுமார் ரூ 33.83 கோடி பரிசாக வென்றுள்ளதுடன் ஒவ்வொருவருக்கும் சுமார் ரூ 1.69 கோடி பங்கு கொடுப்படும் எனவும் எதிர்பார்க்கப்படுகிறது.
அதேவேளை, சீட்டை வாங்கிய முகமது ஷெரீப், தாமும் நண்பர்களும் தற்போது கோடீஸ்வரர்களாகியுள்ளோம் என்று மகிழ்ச்சியாக தெரிவித்துள்ளார்.
செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
வல்வெட்டித்துறை, கரவெட்டி, உடுப்பிட்டி, Trichy, British Indian Ocean Terr.
06 Aug, 2020
புங்குடுதீவு 3ம் வட்டாரம், சிவபுரம், வவுனிக்குளம், Woodbridge, Canada
05 Aug, 2022
