வீடு கட்டுவோருக்கு ஷாக் - சீமெந்தின் விலையில் திடீர் மாற்றம்

Sri Lanka Economic Crisis Cement Price in Sri Lanka Economy of Sri Lanka

By Thulsi Nov 09, 2026 06:10 AM GMT

Thulsi

in சமூகம்

Report

நாட்டில் சீமெந்து உற்பத்தியை மேற்கொள்ளும் பல சீமெந்து நிறுவனங்கள், 50 கிலோ கிராம் எடையுடைய சீமெந்து மூடையின் விலையை அதிகரிக்க முடிவு செய்துள்ளன.

உற்பத்திச் செலவு வேகமாக அதிகரிப்பதே இந்த விலை அதிகரிப்புக்கான முக்கிய காரணம் என உற்பத்தியாளர்கள் சுட்டிக்காட்டுகின்றனர்.

இந்தத் தீர்மானத்துடன், இதற்கு முன்னர் 2,100 ரூபா முதல் 2,250 ரூபா வரை காணப்பட்ட 50 கிலோகிராம் சீமெந்து மூட்டையொன்றின் சில்லறை விலை, 2,200 ரூபா முதல் 2,350 ரூபா வரையிலான புதிய விலைக்கு விற்கப்படும்.

சிமென்ட் மூடையொன்றின் விலை

இந்நிலையில், இலங்கையில் கடந்த இரண்டு மாதங்கள் போன்ற குறுகிய காலப்பகுதிக்குள், சிமென்ட் மூடை ஒன்றின் விலை சுமார் 300 ரூபாவினால் அதிகரிக்கப்பட்டுள்ளதாகக் கட்டுமானத் தொழிலாளர் சங்கங்கள் தெரிவிக்கின்றன.

வீடு கட்டுவோருக்கு ஷாக் - சீமெந்தின் விலையில் திடீர் மாற்றம் | Cement Prices Increased By Rs 100 Per Bag

இதன்படி, 1900 ரூபாவாக விநியோகிக்கப்பட்டு வந்த சிமென்ட் மூடையொன்றின் விலை, தற்போது 2200 ரூபாய் வரை உயர்வடைந்துள்ளது.

கொழும்பில் நடைபெற்ற ஊடகவியலாளர் சந்திப்பில் கலந்துகொண்டு கருத்துத் தெரிவித்த போதே, அபேசேகர மேற்கண்டவாறு குறிப்பிட்டார்.

கடுமையான நெருக்கடி

இந்த விலையேற்றம் காரணமாகக் கட்டுமானத் துறை கடுமையான நெருக்கடிக்குள்ளாகியுள்ளதுடன், கட்டுமானத் தொழிலாளர்களின் வேலைவாய்ப்புகளும் பாரிய அச்சுறுத்தலுக்கு உள்ளாகியுள்ளதாக அவர் தெரிவித்தார்.

அத்துடன், வீடமைப்பு மற்றும் கட்டடத் கட்டுமானப் பணிகளில் ஈடுபட்டுவரும் தரப்பினரும் இதனால் கடும் நெருக்கடிகளைச் சந்தித்துள்ளதாக அவர் சுட்டிக்காட்டினார்.

இதேவேளை, கைத்தொழில் துறைக்குப் பொறுப்பான அமைச்சர்கள் இது தொடர்பாக இதுவரை எந்தவொரு நடவடிக்கையும் எடுக்கவில்லை எனவும் அவர் மேலும் குற்றஞ்சாட்டினார்