ட்ரம்புடனான அமெரிக்க சந்திப்பில் ஈரானை மையப்படுத்தும் சீனாவின் நகர்வு
இருதரப்பு ஒத்துளைப்பு குறித்த இராஜதந்திர நகர்வில் ஈரான் குறித்த முக்கிய கோரிக்கையை சீனா அமெரிக்காவிடம் முன்வைத்துள்ளது.
அமெரிக்க ஜனாதிபதி டொனல்ட் ட்ரம்ப், சீன ஜனாதிபி ஷி ஜின்பிங்கைச் சந்திக்கவிருந்த நிலையில், ஈரான் போரை அமைதியான முறையில் முடிவுக்குக் கொண்டுவர வேண்டும் என்ற தனது அழைப்பை சீனா வியாழக்கிழமை மீண்டும் வலியுறுத்தியது.
"அமெரிக்க - ஈரான் மோதலை நீட்டிப்பது, சம்பந்தப்பட்ட தரப்பினரின் அல்லது சர்வதேச சமூகத்தின் பொது நலன்களுக்கு உகந்ததல்ல," என்று செய்தியாளர்களிடம் சீன வெளியுறவு அமைச்சக செய்தித் தொடர்பாளர் குவோ ஜியாகுன் கூறியதாக தெரிவிக்கப்படுகிறது.
குவோவின் செய்தியாளர் சந்திப்பு
குவோவின் செய்தியாளர் சந்திப்பின் எழுத்துப்பூர்வப் பதிவின்படி, தடைகளும் அமெரிக்க முற்றுகையும் நடைமுறையில் இருக்கும் வரை, ஹோர்முஸ் நீரிணை வழியாக கப்பல் போக்குவரத்து சுதந்திரத்தை தெஹ்ரான் அனுமதிக்காது என்று ஐ.நா பொதுச் சபையின் நடைபெற்று வரும் 81வது அமர்வில் ஈரான் அதிபர் மசூத் பெஷெஷ்கியன் தெரிவித்த கருத்து தொடர்பான கேள்விக்கு இந்த பதில் வழங்கப்பட்டுள்ளது.
இரு தரப்பும் அமைதியைத் தேர்ந்தெடுப்பதும், உரையாடல் மற்றும் பேச்சுவார்த்தை மூலம் சர்ச்சைகளைத் தீர்ப்பதும், மத்திய கிழக்கு மற்றும் வளைகுடா பிராந்தியத்தில் கூடிய விரைவில் அமைதியையும் நிம்மதியையும் மீட்டெடுப்பதும் இன்றியமையாதது என்று குவோ கூறியதாக மேலும் தெரிவிக்கப்படுகிறது.
வறுத்தலைவிளான், யாழ்ப்பாணம், கோண்டாவில், கொழும்பு, அநுராதபுரம்
25 Sep, 2022
யாழ்ப்பாணம், வவுனியா, கனடா, Canada, Montreal, Canada
31 Aug, 2015
