வெற்றிகர பயணம்: சாதனை படைத்தது சீனாவின் முதல் மின்சார பயணிகள் விமானம்
19 பயணிகளை ஏற்றிச் செல்லும் வகையில் வடிவமைக்கப்பட்ட, சீனாவின் உள்நாட்டில் உருவாக்கப்பட்ட CE-25A மின்சார வர்த்தக விமானம், ஷான்டாங் மாகாணத்தின் பின்ஷோ நகரில் தனது முதல் ஆட்கள் பயணித்த சோதனைப் பறப்பை வெற்றிகரமாக நிறைவு செய்துள்ளது.
இது அந்நாட்டின் மின்சார விமானப் போக்குவரத்து வளர்ச்சியில் ஒரு குறிப்பிடத்தக்க மைல்கல்லாக அமைந்துள்ளது.
சீனாவின் அரசு ஒளிபரப்பு நிறுவனத்தின் செய்தியின்படி, 10 தொன் எடை கொண்ட அந்த விமானம், இரண்டு விமானிகள் மற்றும் ஒரு விமான சோதனைப் பொறியாளருடன் சனிக்கிழமை (நவம்பர் 14) அன்று தனது சோதனைப் பறப்பை வெற்றிகரமாக நிறைவு செய்தது.
மின் உந்துவிசை அமைப்பு
இந்தச் சோதனை 57 நிமிடங்கள் 46 வினாடிகள் நீடித்தது, இதில் 16 நிமிடங்கள் 38 வினாடிகள் வானில் பறந்த நேரமும் அடங்கும், இந்தக் காலகட்டத்தில் விமானம் 60.4 கிலோமீட்டர் தூரம் பயணித்தது. என தெரிவிக்கப்பட்டுள்ளது.
விமான உற்பத்தியாளரான சீனாவின் வர்த்தக விமானக் கழகம் (COMAC), சோதனை முழுவதும் விமானம் சாதாரணமாக இயங்கியதாகவும், அனைத்து செயல்திறன் குறிகாட்டிகளும் எதிர்பார்ப்புகளைப் பூர்த்தி செய்ததாகவும் தெரிவித்துள்ளது.
சிஇ-25ஏ என்பது கோமாக் நிறுவனத்தின் முதல் மின்சார வர்த்தக விமானமாகும். இது முதன்மையாக நகரங்களுக்கு இடையேயான குறுகிய தூர பயணிகள் சேவைகளுக்காக வடிவமைக்கப்பட்டுள்ளது.
இந்த விமானம் அதிகபட்சமாக 10 டன் எடையுடன் புறப்பட்டு, மணிக்கு 300 கிலோமீட்டர் வேகத்தில் பயணித்து, 2,400 மீட்டர் உயரத்தில் பறந்து, 400 கிலோமீட்டர் தூரம் வரை செல்லும் திறன் கொண்டது.
விமான எரிபொருளால் இயங்கும் வழக்கமான விமானங்களைப் போலல்லாமல், CE-25A ஆனது, அதன் இறக்கைகளின் ஓரமாகப் பொருத்தப்பட்ட மின்சாரத்தால் இயக்கப்படும் காற்றோட்ட விசிறிகளைக் கொண்ட ஒரு பரவலாக்கப்பட்ட மின் உந்துவிசை அமைப்பைப் பயன்படுத்துகிறது.
இந்த வானூர்தியானது, COMAC நிறுவனத்தால், சீன மின்கல உற்பத்தியாளரான கன்டெம்பரரி ஆம்பெரெக்ஸ் டெக்னாலஜி கோ. லிமிடெட் (CATL), ஷாங்காய் ஜியாவோ டோங் பல்கலைக்கழகம் மற்றும் பிற பங்காளர்களுடன் இணைந்து உருவாக்கப்பட்டு வருகிறது.
| செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
புங்குடுதீவு 3ம் வட்டாரம், கொட்டாஞ்சேனை, Vaughan Ontario, Canada
03 Oct, 2026
புங்குடுதீவு 7ம் வட்டாரம், இராமநாதபுரம், Villetaneuse, France
27 Oct, 2025
யாழ்ப்பாணம், Cinnamon Gardens, Colombo, Wimbledon, United Kingdom
06 Nov, 2026
கோண்டாவில் மேற்கு, Greven, Germany, Münster, Germany, Nordwalde, Germany, High Wycombe, United Kingdom
29 Oct, 2026
இமையானன் கிழக்கு உடுப்பிட்டி, சுவிஸ், Switzerland, London East Ham, United Kingdom
14 Oct, 2026
