கொழும்பு மாநகர சபையில் ஆட்சி அமைக்கப்போவது யார்..! சூடு பிடிக்கும் அரசியல் களம்
நாட்டின் ஒரு முக்கியமான உள்ளூராட்சி நிறுவனமாகக் கருதப்படும் கொழும்பு மாநகர சபையில் அதிகாரத்தை கைப்பற்ற அரசியல் கட்சிகள் தங்கள் அதிகபட்ச பலத்தைப் பயன்படுத்தியுள்ளதால்,அரசியல் களம் மிகவும் சூடான திருப்பத்தை எடுத்துள்ளதாகத் தெரிவிக்கப்படுகிறது.
அரசியல் கட்சிகளின் உறுப்பினர்களை ஈர்க்க இரகசிய பேரங்களும் பேச்சுவார்த்தைகளும் தற்போது தொடர்வதாக கொழும்புத் தகவல்கள் தெரிவிக்கின்றன.
எதிர்க்கட்சி உறுப்பினர்களை வளைக்க பகீரத பிரயத்தனம்
அதிகாரத்தை நிலைநாட்டுவதற்காக பல்வேறு சலுகைகளை உறுதியளித்து எதிர்க்கட்சி உறுப்பினர்களை ஈர்க்க பல கட்சிகள் செயல்பட்டு வருவதாகவும் அறியப்படுகிறது.
கொழும்பு மாநகர சபையின் மேயர் மற்றும் துணை மேயருக்கான தேர்தலை அடுத்த மாதம் 2 ஆம் திகதி நடத்துவதற்கான ஏற்பாடுகள் நடைபெற்று வருகின்றன.
தற்போதைய சூழ்நிலையில், இந்தத் தேர்தல் மிகவும் பரபரப்பான திருப்பத்தை எடுக்கும் என்று அரசியல் வட்டாரங்கள் தெரிவித்தன.
மேயர்,துணை மேயரை தெரிவு செய்ய தேர்தல்
இந்தத் தேர்தலை உள்ளூராட்சி ஆணையர் நடத்துகிறார். எந்தவொரு கட்சியும் 50 சதவீதத்திற்கும் அதிகமான வாக்குகளைப் பெறாததால், மேயர் மற்றும் துணை மேயர் பதவிகளுக்கான வேட்பாளர்களை வாக்குச்சீட்டு மூலம் தேர்ந்தெடுக்க வேண்டியிருந்தது.
அதன்படி, உள்ளூராட்சி ஆணையரால் நடத்தப்படும் தேர்தலில் 50 சதவீதத்திற்கும் அதிகமான வாக்குகளைப் பெறும் அரசாங்க அல்லது எதிர்க்கட்சி வேட்பாளர், மேயராக வருவதற்கான வாய்ப்பு உள்ளது.
நடைபெற்று முடிந்த உள்ளூராட்சி மன்றத் தேர்தலில் தேசிய மக்கள் சக்தியிலிருந்து கொழும்பு மாநகர சபைக்குத் தேர்ந்தெடுக்கப்பட்ட உறுப்பினர்களின் எண்ணிக்கை 48 ஆகும். அந்த சபைக்கு எதிர்க்கட்சியிலிருந்து 69 உறுப்பினர்கள் தேர்ந்தெடுக்கப்பட்டனர், அதில் ஐக்கிய மக்கள் சக்தியும் அடங்கும்.
அதன்படி, கொழும்பு மாநகர சபையின் பெரும்பான்மையான உறுப்பினர்கள் எதிர்க்கட்சித் தரப்பில் உள்ளனர்.
கொழும்பு மாநகர சபையின் நிர்வாக அதிகாரம் குறித்து கருத்து தெரிவித்த ஐக்கிய மக்கள் சக்தியின் கொழும்பு மாவட்ட நாடாளுமன்ற உறுப்பினர் முஜிபுர் ரகுமான், எதிர்க்கட்சி பெரும்பான்மை உறுப்பினர்களைக் கொண்டிருப்பதால், ஆட்சி அதிகாரத்தைப் பெற உரிமை உண்டு என்று கூறினார்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
கோண்டாவில், சுண்டிக்குளி, Vancouver, Canada, Brampton, Canada
05 Oct, 2025
இணுவில், Markham, Canada
12 Oct, 2022
Ipoh, Malaysia, கொக்குவில், கோயம்புத்தூர், India, New Jersey, United States
09 Sep, 2025
அல்வாய் தெற்கு, Montreuil, France, London, United Kingdom
25 Sep, 2025
ஆவரங்கால், கொழும்பு, London, United Kingdom
05 Oct, 2025
யாழ் அல்லைப்பிட்டி கிழக்கு, Jaffna, கொழும்பு, Markham, Canada
04 Oct, 2023
