இந்தியா மற்றும் மாலைதீவிலிருந்து ரணிலுக்கு வந்த செய்தி

ரணில் விக்கிரமசிங்கவிற்கு வாழ்த்து

சிறிலங்கா அதிபராக தெரிவு செய்யப்பட்ட ரணில் விக்கிரமசிங்கவிற்கு இந்தியா மற்றும் மாலைதீவிலிருந்து வாழ்த்து செய்திகள் கிடைத்துள்ளன.

மாலைதீவு சபாநாயகரும் முன்னாள் அதிபருமான மொஹமட் நஷீட், நாடாளுமன்றத்தின் நம்பிக்கையை வென்று அதிபராக தெரிவு செய்யப்பட்ட ரணில் விக்கிரமசிங்கவிற்கு நேற்று வாழ்த்து தெரிவித்துள்ளார்.

Heartfelt congratulations to Hon. @RW_UNP for winning the confidence of Parliament to become the new President of Sri Lanka. I hope and pray that the difficulties faced by the SL people can now start to be resolved. ?? will always be with the people of Sri Lanka ??

— Mohamed Nasheed (@MohamedNasheed) July 20, 2022

“இலங்கை மக்கள் எதிர்கொள்ளும் சிரமங்கள் இப்போது தீர்க்கப்பட ஆரம்பிக்கும் என்று நான் நம்புகிறேன் மற்றும் அதற்காக பிரார்த்தனை செய்கிறேன். மாலைதீவு எப்போதும் இலங்கை மக்களுடன் இருக்கும்” என்று ட்வீட் செய்துள்ளார்.

இந்தியாவின் ஆதரவு தொடரும்

இதேவேளை, இலங்கைக்கு நெருங்கிய நண்பனாகவும் அண்டை நாடாகவும் சக ஜனநாயக நாடாகவும் இந்தியா தொடர்ந்து ஆதரவளிக்கும் என கொழும்பில் உள்ள இந்திய உயர்ஸ்தானிகராலயம் நேற்று நாடாளுமன்றத்தில் புதிய அதிபராக தெரிவு செய்வதற்கான வாக்கெடுப்பை தொடர்ந்து ட்வீட் செய்துள்ளது.

இந்திய உயர்ஸ்தானிகராலயம் தனது ட்விட்டர் பதிவில், “இலங்கையின் அரசியலமைப்பின் விதிகளின்படி இலங்கை நாடாளுமன்றம் இன்று ரணில் விக்கிரமசிங்கவை அதிபராக தேர்ந்தெடுத்துள்ளது. ஜனநாயக வழிமுறைகள் மற்றும் விழுமியங்கள், நிறுவப்பட்ட ஜனநாயக நிறுவனங்கள் மற்றும் அரசியலமைப்பு கட்டமைப்பின் ஊடாக, ஸ்திரத்தன்மை மற்றும் பொருளாதார மீட்சிக்கான இலங்கை மக்களுக்கு நாங்கள் தொடர்ந்து ஆதரவளிப்போம் என தெரிவிக்கப்பட்டுள்ளது.