ஆசிய கால்பந்து லீக் கோப்பை: சவுதியின் நிலையை உற்று கவனிக்கும் சர்வதேசம்

Cristiano Ronaldo Football Saudi Arabia Asian Games

By Sindu Oct 13, 2026 11:44 AM GMT

Sindu

in உலகம்

Report

சவுதி அரேபியாவின் மீது ஹவுதி அமைப்பினர் நடத்திவரும் தாக்குதல்களைத் தொடர்ந்து, 2027 ஆசியக் லீக் கோப்பையை சவுதி அரேபியாவில் நடத்துவது குறித்து கேள்விகள் எழுந்துள்ளன.

இந்நிலையில் சவுதியின் தற்போதைய சூழ்நிலையைத் தாங்கள் உற்று கண்காணித்து வருவதாக அவுஸ்திரேலியாவின் கால்பந்து நிர்வாக அமைப்பான 'ஃபுட்போல் அவுஸ்திரேலியா' தெரிவித்துள்ளது.

தங்கள் வீரர்கள், ஊழியர்கள் மற்றும் ஆதரவாளர்களின் பாதுகாப்பும் நல்வாழ்வும் முதன்மையானதாக உள்ளது என அமைப்பின் செய்தித் தொடர்பாளர் தெரிவித்துள்ளார்.

இடர் மதிப்பீடு

அனுபவம் வாய்ந்த எங்கள் பாதுகாப்புக் குழு நிலவரங்களைத் தீவிரமாகக் கண்காணித்து வழக்கமான தகவல்களை வழங்கி வருகிறது.

ஆசிய கால்பந்து லீக் கோப்பை: சவுதியின் நிலையை உற்று கவனிக்கும் சர்வதேசம் | Cristiano Ronaldo 2027 Asian Cup Saudi Australia

ஒவ்வொரு தேசிய அணி முகாமுக்குமான எங்கள் திட்டமி்டலில் இடர் மதிப்பீடும் ஒரு பகுதியாகும்.

மேலும் ஜனவரி மாதத்துக்கான எங்கள் தயாரிப்புகளின் முக்கிய கவனமாகவும் இடர் மதிப்பீடு இருக்கும் எனவும் அவர் தெரிவித்துள்ளார்.

ஒரு மணி நேரம் தாமதம்

ரியாத்தை நோக்கி ஹவுதிகளால் ஏவப்பட்ட ஏவுகணையை இடைமறித்ததாக சவுதி தலைமையிலான இராணுவத்தினர் தெரிவித்ததையடுத்து, கிறிஸ்டியானோ ரொனால்டோவின் 'அல்-நஸ்ர்' அணியின் ஆசிய சாம்பியன்ஸ் லீக் போட்டி கடந்த திங்களன்று ஒரு மணி நேரம் தாமதமானது.

இந்நிலையில் ஆசிய லீக் கோப்பைப் போட்டிகள் ஜனவரி 7ஆம் திகதி சவுதி அரேபியாவின் ரியாத், ஜித்தா மற்றும் அல்-கோபார் ஆகிய இடங்களில் தொடங்க திட்டமிடப்பட்டுள்ளது.