பிரித்தானிய புதிய மன்னரின் அதிரடி முடிவு

பிரித்தானிய புதிய மன்னரின் அதிரடி முடிவு

பிரித்தானிய மகாராணி இரண்டாம் எலிசபெத் காலமானதை அடுத்து மன்னராக முடிசூடவுள்ள சார்லஸ் இளவரசர் பல அதிரடியான முடிவுகளை எடுக்கவுள்ளதாக தகவல்கள் தெரிவிக்கின்றன.

இதன்படி எளிமையான முடிசூட்டு விழாவை நடத்தவும் அரண்மனையில் சொகுசு வாழ்க்கையை முடிவிற்கு கொண்டு வரவும் அவர் திட்டமிட்டுள்ளார்.

தற்போதைய விலைவாசி உயர்வு காரணமாக மக்கள் நெருக்கடியில் உள்ள நிலையில் மன்னரின் இந்த முடிவு மக்களால் விரும்பப்படும் என தெரிவிக்கப்படுகிறது.

அரச குடும்ப உறுப்பினர்களின் எண்ணிக்கை குறைப்பு 

அத்துடன், இதுவரை செயல்பட்டு வந்துள்ள அனைத்து பதவிகளும் பொறுப்புகளும் மறுசீரமைப்பு செய்யவிருக்கிறார்கள். ஏற்கனவே செயற்பாட்டில் உள்ள அரச குடும்ப உறுப்பினர்களின் எண்ணிக்கையை குறைக்க சார்லஸ் நீண்ட காலமாக திட்டமிட்டு வந்துள்ளார், மேலும், புதிய உத்தியோகபூர்வ லண்டன் மாளிகைக்கு அவர் குடிபெயர்வார் எனவும், அங்கு மட்டுமே இனி குடியிருப்பார் எனவும் கூறப்படுகிறது.

குறித்த லண்டன் மாளிகையானது பொதுவான அடுக்குமாடி குடியிருப்பு போன்ற ஒரு இல்லம் என்றே கூறுகின்றனர். மேலும், ஹைக்ரோவில் உள்ள அவரது நிரந்தர வீடு இனி குடும்ப வீடாக கருதப்படும். அத்துடன், புதிய பட்டம் பெற்றிருக்கும் இளவரசர் வில்லியம் மற்றும் கேட் தம்பதி விண்ட்சர் கோட்டைக்கு மிக மிக அருகாமையில் குடியிருக்க உள்ளனர்.

பொதுமக்கள் சந்திக்கும் நிலைஏற்படாது

இனி அரச குடும்பத்து உறுப்பினர்களை அதிகமாக பொதுமக்கள் சந்திக்கும் நிலையும் ஏற்படாது என்றே கூறப்படுகிறது. மன்னர் சார்லஸ், அவரது மனைவி கமிலா, வில்லியம், அவரது மனைவி கேட் மற்றும் இளவரசி ஆன் இவர்களுடன் இளவரசர் எட்வார்ட் மற்றும் இவரது மனைவி சோஃபி ஆகியோரே செயற்படும் அரச குடும்ப உறுப்பினர்கள் என முடிவு செய்யப்பட்டுள்ளது.

UK | King Charles will be officially proclaimed as Britain's new monarch at a meeting of the Accession Council at St James's Palace on Saturday, Reuters reported citing Buckingham Palace

(File Pic) pic.twitter.com/ejrGra4zEr

— ANI (@ANI) September 9, 2022

பொதுமக்கள் பார்வைக்கு அரச அரண்மனைகள்

மேலும், பக்கிங்ஹாம் அரண்மனை மற்றும் பால்மோரல் மாளிகை ஆகியவற்றை பொதுமக்கள் பார்வைக்கு திறக்கும் முடிவு முன்னர் ராணியாரால் மறுக்கப்பட்டது, தற்போது அந்த திட்டம் நடைமுறைக்கு வர வாய்ப்பிருப்பதாக கூறப்படுகிறது. 

இதேவேளை மன்னர் சார்லஸ் இன்று சனிக்கிழமை அதிகாரபூர்வமாக இங்கிலாந்து அரசராக அறிவிக்கப்படுகிறார்.