இந்து சமுத்திரப் பிராந்தியத்தின் பாதுகாப்புத் தலைமையகத்தை இலங்கையில் நிறுவ தீர்மானம்!

Sri Lanka India

By Kathirpriya Dec 16, 2023 07:07 AM GMT

Kathirpriya

in அரசியல்

Report

இந்து சமுத்திரப் பிராந்தியத்தின் பாதுகாப்புத் தலைமையகத்தை இலங்கையில் நிறுவுவதற்கு பிராந்திய நாடுகள் தீர்மானமொன்றை எடுத்துள்ளதாக தெரிவிக்கப்படுகிறது.

மொரிஷியஸில் நடைபெற்ற பாதுகாப்பு ஆலோசகர்களின் மாநாட்டில் வைத்தே இந்தத் தீர்மானம் மேற்கொள்ளப்பட்டது.

இதன் போது இந்து சமுத்திரப் பிராந்தியத்தின் பாதுகாப்பை உறுதிப்படுத்தும் கொழும்பு பாதுகாப்பு அறிக்கையும் இங்கு வெளியிடப்பட்டிருந்தது.

பாதுகாப்புத் தலைமையகம்

இந்தியா, தெற்காசிய நாடுகள் மற்றும் தென்னாபிரிக்க நாடுகளின் பிரதிநிதிகளும் இந்த மாநாட்டில் பங்கேற்றிருந்தனர்.

இந்து சமுத்திரப் பிராந்தியத்தின் பாதுகாப்புத் தலைமையகத்தை இலங்கையில் நிறுவ தீர்மானம்! | Defense Headquarter Of Indian Ocean In Sri Lanka

இலங்கையை பிரதிநிதித்துவப்படுத்தியிருந்த, தேசிய பாதுகாப்பு தொடர்பான அதிபரின் ஆலோசகர் சாகல ரத்நாயக்க, முன்வைத்த பிரேரணையை மாநாடு அங்கீகரித்தது,இதனால், இந்து சமுத்திரப் பிராந்தியத்தின் பாதுகாப்பை உறுதிப்படுத்தும் அனைத்து நடவடிக்கைகளும் இலங்கையை மையமாகக் கொண்டு செயற்படுத்த தீர்மானம் எட்டப்பட்டது..

இந்தியப் பெருங்கடலின் இந்தப் பாதுகாப்புத் தலைமையகம் எதிர்வரும் ஜனவரி மாதம் கொழும்பு பண்டாரநாயக்க சர்வதேச மாநாட்டு மண்டபத்தில் நிறுவப்பட்டு, பின்னர் நிரந்தரக் கட்டிடத்தில் நிறுவப்படவுள்ளமை குறிப்பிடத்தக்கது.