30 ஆண்டுகளாக சிறையில் தவிக்கும் சகோதரன்! ஜனாதிபதியிடம் சகோதரி முன்வைத்த கோரிக்கை
30 ஆண்டுகளாக சிறையில் இருக்கும் அரசியல் கைதியான தனது சகோதரனை விடுவிக்குமாறு சகோதரி ஒருவர் ஜனாதிபதி அநுரவிடம் கோரிக்கை விடுத்துள்ளார்.
இதன்போது, தமிழ் அரசியல் கைதியான விக்னேஸ்வரநாதன் பார்த்திபனின் சகோதரி வாகினியே ஜனாதிபதி அநுரவிடம் மேற்படி கோரிக்கையை முன்வைத்துள்ளார்.
இது தொடர்பில் அவர் ஊடகங்களுக்கு தெரிவிக்கையில், “எங்களுடைய சகோதரனுக்கு விடுதலை கிடைத்துவிடும் என்று கடந்த 30 ஆண்டுகளாக நாங்கள் பல ஜனாதிபதிகளிடம் முறையிட்டும் எந்த விதமான தீர்வுகளும் இதுவரை கிடைக்கப்பெறவில்லை.
ஜனாதிபதியிடம் முன்வைக்கப்பட்ட கோரிக்கை
தற்போதய ஜனாதிபதி அநுர யாழ்ப்பாணம் வருகை தந்த போது அவருக்கும் கடிதம் கொடுத்துள்ளேன். அதற்கான பதில் எனக்கு கடிதம் கிடைத்தது என்று மாத்திரமே வந்தது.
ஜனாதிபதி அநுர எதிர்வரும் 31ஆம் திகதி யாழ்ப்பாணம் வருகின்றார். அவர் வருகை தரும் தினமான 31ஆம் திகதியுடன் எனது சகோதரன் கைது செய்யப்பட்டு 30 ஆண்டுகள் பூர்த்தி ஆகின்றது.
கடந்த 30 ஆண்டுகளாக எங்களுடைய சகோதரனுக்கும் மன்னிப்பு கிடைக்கவில்லை. இந்த முறை சுதந்திர தினத்திலாவது அவரை விடுதலைசெய்து எங்களுடன் சுதந்திரமாக வாழவிடுங்கள்.
நாங்கள் எங்களுடைய குடும்பம் சார்பில் உங்களை கும்பிட்டு கேட்கின்றோம். நீங்களாவது என்னுடைய சகோதரனுக்கு பொது மன்னிப்பளித்து விடுதலை செய்யுங்கள்.
30 ஆண்டுகள் சிறை
30 ஆண்டுகள் சிறைத் தண்டனை அனுபவித்த எங்களுடைய சகோதரனுக்கு தற்போது 50 வயதாக போன்றது.
இனியும் அவரை சிறையில் வைத்து இருக்காதீர்கள், சிறையில் வைத்திருந்து என்ன செய்யப் போகிறீர்கள்.
எங்களுடைய சகோதரன் விடுவிக்கப்படுவார் என்ற எதிர்பார்ப்புடன் எங்களுடைய குடும்பம் காத்திருக்கின்றது.
நான் இறுதியாக ஜனாதிபதி அநுரவின கூட்டத்தில் கலந்து கொண்டபோதும் அரசியல் கைதிகள் விடுவிக்கப்படுவார்கள் என்று கூறியிருந்தார். அதை நம்பியே நாங்களும் இருக்கின்றோம்.
நீங்கள் கூறியதை நிறைவேற்றுவீர்கள் என நாங்கள் உங்களை நம்பியிருக்கின்றோம்.
கடந்த காலங்களில் வந்த ஜனாதிபதிகள் எவரும் நமக்கான நீதியைப் பெற்றுத்தரவில்லை.
நீங்கள் இந்த சுதந்திர தினத்தில் பொது மன்னிப்பளித்து எங்களுடைய சகோதரனுக்கு சுதந்திரத்தினை கொடுங்கள்” என அவர் குறிப்பிட்டுள்ளார்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
நெடுந்தீவு மேற்கு, வன்னேரிக்குளம், Moissy-Cramayel, France
16 Jan, 2025
வேலணை, Ottawa, Canada, Torcy, France, Val-d'Arc, France
30 Jan, 2022
இளவாலை, யாழ்ப்பாணம், Tororo, Uganda, Cambridge, United Kingdom, London, United Kingdom
17 Jan, 2025
சுதுமலை, மருதனாமடம், வவுனியா, கொழும்பு, Harrow, United Kingdom, Coventry, United Kingdom
22 Jan, 2025
நயினாதீவு, நெதர்லாந்து, Netherlands, பிரித்தானியா, United Kingdom
25 Jan, 2021
