டயானா கமகேவின் பிடியாணையை திரும்பப் பெறுமாறு நீதிபதி உத்தரவு

Diana Gamage Arrest High Court of Sri Lanka

By Sindu Oct 27, 2026 10:00 AM GMT

Sindu

in சமூகம்

Report

முன்னாள் இராஜாங்க அமைச்சர் டயானா கமகேவை உடனடியாகக் கைது செய்து நீதிமன்றத்தில் முன்னிலைப்படுத்துமாறு 22ஆம் திகதி கொழும்பு உயர் நீதிமன்றத்தால் பிறப்பிக்கப்பட்ட பிடியாணையை திரும்பப் பெறுமாறு கொழும்பு மேல் நீதிமன்ற நீதிபதி உத்தரவிட்டுள்ளார்.

கடந்த 22ஆம் திகதி டயானா கமகே நீதிமன்றத்தில் முன்னிலையாகத் தவறிய நிலையில், அவரைக் கைது செய்ய பிடியாணை பிறக்கப்பட்டது.

பிரதிவாதியான டயானா கமகே, அவர் சார்பாக மனு தாக்கல் செய்த வழக்கறிஞர் மோகன் செனவிரத்ன மூலம் நீதிமன்றத்தில் முன்னிலையானதைத் தொடர்ந்து, உயர் நீதிமன்ற நீதிபதி இந்த பிடியாணையை திரும்பப் பெறுவதற்கான உத்தரவைப் பிறப்பித்தார்.

இந்த வழக்கை நாளை (28) பிற்பகல் 1:30 மணிக்கு மீண்டும் விசாரணைக்கு எடுத்துக்கொள்ளுமாறும் உத்தரவிட்டார்.

டயானா கமகேவின் பிடியாணையை திரும்பப் பெறுமாறு நீதிபதி உத்தரவு | Diana Gamage Warrent Recall By Colombo High Court

போலியான பிறப்புச் சான்றிதழைச் சமர்ப்பித்து அடையாள அட்டை பெற்றதாகக் குற்றம் சாட்டப்பட்டுத் தொடரப்பட்ட வழக்கு விசாரணைக்கு எடுத்துக்கொள்ளப்பட்டபோது, நீதிமன்றத்தில் முன்னிலையாகத் தவறியதால் முன்னாள் இராஜாங்க அமைச்சர் டயானா கமகேவுக்கு பிடியாணை பிறப்பிக்கப்பட்டது.