தி.மு.க. ஆதரவுடன் அ.தி.மு.க. ஆட்சி..! உச்சக்கட்ட கொதிநிலை - மு.க.ஸ்டாலின் வாக்குமூலம்

தி.மு.க. ஆதரவுடன் அ.தி.மு.க. ஆட்சி அமைக்க உள்ளதாக நேற்றிரவு முதல் இந்திய வட்டாரங்களில் செய்தி ஒன்று பரவலாக பேசப்பட்டு வருகின்றது.

திமுகவின் வெளி ஆதரவுடனும் சிறிய கட்சிகளின் பின்புலத்துடனும் அதிமுக ஆட்சி அமைப்பது குறித்து விவாதிக்கப்பட்டு வருவதாக இரு கட்சிகளின் வட்டாரங்களும் தெரிவித்துள்ளதாக இந்திய ஆங்கில ஊடகம் செய்தி வெளியிட்டுள்ளது.

இதற்கு ஏற்றார் போல் இரு கட்சிகளும் தனித்தனியாக நேற்று பல மணி நேரம் ஆலோசனை நடத்தியதாக இந்திய ஊடகங்கள் செய்தி வெளியிட்டுள்ளன.  

அரியணை ஏறும் விஜய் - இன்று பிற்பகல் ஆளுநருடன் சந்திப்பு

பாதுகாப்பான இடத்தில் எம்.எல்.ஏ.க்கள்

இதற்காக அ.தி.மு.க. எம்.எல்.ஏ.-க்களை பாதுகாப்பான இடத்தில் தங்க வைக்க ஏற்பாடுகள் நடைபெற்று வருவதாகும் சொல்லப்படுகிறது. குறித்து இரண்டு திராவிட கட்சிகளும் இதுவரை அதிகாரப்பூர்வமாக அறிவிப்பு எதுவும் வெளியிடாத நிலையில் இது நிஜமானால் தமிழக அரசியல் வரலாற்றில் பெரும் திருப்பு முனையை ஏற்படுத்தும்.

இவ்வாறான பின்னணியில், த.வெ.க.வுக்கு ஆதரவு அளிக்க வேண்டும் என்று கோரி அ.தி.மு.க.வில் சிலர் எடப்பாடி பழனிசாமிக்கு நெருக்கடி கொடுக்கின்றனர் என தகவல் வெளியானது.

ராஜா அண்ணாமலைபுரத்தில் உள்ள முன்னாள் அமைச்சரும் தற்போது எம்.எல்.ஏ.வாக வெற்றி பெற்றுள்ள சி.வி. சண்முகத்தின் உறவினர் வீட்டில் நேற்று காலை தனியாக ஒரு ஆலோசனை கூட்டம் நடைபெற்றது.

இந்த கூட்டத்தில் முன்னாள் அமைச்சர் வேலுமணி எம்.எல்.ஏ., பவானி தொகுதி எம்.எல்.ஏ. கே.சி. கருப்பண்ணன் ஆகியோர் கலந்து கொண்டு ஆலோசித்தனர்.  

த.வெ.க.வுக்கு ஆதரவு: எடப்பாடி இல்லத்தில் என்.ஆனந்த்..! உச்சக்கட்ட பரபரப்பில் களம்

திமுக இடையூறு செய்யாது

இந்த நிலையில், முன்னாள் முதல்-அமைச்சரும், திமுக தலைவருமான மு.க.ஸ்டாலின் ஆங்கில நாளிதழுக்கு அளித்த பேட்டியில் கூறியதாவது, தனிப்பெரும் கட்சியான தவெக ஆட்சியமைக்க திமுக இடையூறு செய்யாது.

விஜய் ஆட்சிக்கு ஆறு மாதங்களுக்கு எவ்வித இடையூறும் செய்யாமல தொடர்ந்து கவனிப்போம். திமுக அரசின் திட்டங்களை தவெக தொடர வேண்டுமென எதிர்பார்க்கிறேன்.

மகளிருக்கு மாதம் ரூ.2,500 அளிப்பது கடினம்; திமுக அரசு வழங்கியது போன்று மாதம் ரூ.1,000-வது வழங்க வேண்டும். ஆண்டுக்கு 6 இலவச சிலிண்டர்கள் தருவதாக விஜய் வாக்குறுதி கொடுத்துள்ளார். அது சந்தேகம்தான்.

ஆனால் அதைச் செய்தால் மகிழ்ச்சி. உடனடியாக தேர்தல் வருவதை திமுக விரும்பவில்லை. அரசமைப்பு குழப்பம் ஏற்படுவதையும் திமுக விரும்பவில்லை. இவ்வாறு அவர் கூறினார்.

த.வெ.க ஆசனங்கள் 113 ஆக உயர்வு