90 நாட்கள் சிறையில் அடைக்கப்படவிருந்த டக்ளஸ்! சி.ஐ.டி அதிகாரிகளுக்கு காத்திருக்கும் சவால்
Dharu
in பாதுகாப்பு
இலங்கையில் முந்தைய அரசாங்கங்களின் போது பல தமிழ் இளைஞர்களை நீண்டகாலமாக தடுத்து வைக்க வழிவகுத்த பயங்கரவாதத் தடுப்புச் சட்டம் (PTA), இந்த முறை EPDP தலைவரும் முன்னாள் அமைச்சருமான டக்ளஸ் தேவானந்தாவை குறிவைத்து ஒரு பரபரப்பான விடயமாக மாறியுள்ளது.
சந்திரிகா மற்றும் ராஜபக்சர் ஆட்சிகளின் போது அரசாங்கத்தை ஆதரித்த சக்திவாய்ந்த அமைச்சரான அவர், தற்போது அதே சட்டத்தின் கீழ் விளக்கமறியல் உத்தரவு விதிக்கப்பட்டு தடுத்துவைக்கப்பட்டுள்ளார்.
முன்னதாக 72 மணி நேரம் அவரை தடுத்து வைக்க உத்தரவிடப்பட்ட விடயம் விதியின் முரண்பாடாக பலரின் கவனத்தை ஈர்த்துள்ளது.
கைதுக்கான உடனடி காரணம்
எனினும் 90 நாட்கள் தடுப்புக்காவல் பிறப்பிக்கப்படுமா என்ற கேள்வி எழுந்த நிலையில் நீதிமன்றம் எதிர்வரும் 9 ஆம் திகதிவரை டக்ளஸ் தேவானந்தாவை விளக்கமறியலில் வைக்க உத்தரவிட்டுள்ளது.
இந்தக் கைதுக்கான உடனடி காரணம், 2020 ஆம் ஆண்டு படுகொலை செய்யப்பட்ட பாதாள உலகத் தலைவர் மாகந்துர மதுஷின் சகா ஒருவரின் வசம் டக்ளஸ் தேவானந்தாவின் பாதுகாப்பிற்காக பாதுகாப்புப் படையினரால் வழங்கப்பட்ட துப்பாக்கி கண்டுபிடிக்கப்பட்டதுதான்.
இந்நிலையில் கைது செய்யப்பட்ட குறித்த பாதாள உலகக் குழு உறுப்பினர், சம்பந்தப்பட்ட துப்பாக்கியை டக்ளஸ் தேவானந்தா தனக்குக் கொடுத்தார் என்றும், பல கொலைகளைச் செய்ய அந்தத் துப்பாக்கியைப் பயன்படுத்தினார் என்றும் தெரிவித்துள்ளார்.
இந்த வாக்குமூலத்தை மட்டுமே அடிப்படையாகக் கொண்டு வழக்குத் தொடுப்பது சவாலானது என்பதால், டக்ளஸ் தேவானந்தா ஆயுதத்தை மாகந்துர மதுஷிடம் ஒப்படைத்ததை நேரில் கண்ட நபர்களைக் கைது செய்து அரச சாட்சிகளிடம் ஒப்படைக்க குற்றப் புலனாய்வுத் துறை (சிஐடி) இப்போது விரிவான நடவடிக்கையைத் தொடங்கியுள்ளதாக தெரிவிக்கப்படுகிறது.
முன்னதாக டக்ளஸ் தேவானந்தாவை 90 நாட்கள் காவலில் எடுத்து விசாரணை நடத்த சி.ஐ.டி அரசிடம் அனுமதி கோரியிருந்தாலும், பாதுகாப்பு உயர் தரப்புக்களின் கட்டளைகளின் பிரகாரம் 72 மணி நேரத்திற்குள் விசாரணைகளை முடிக்க உத்தரவிட்டதாக தென்னிலங்கை ஊடகங்கள் மேற்கோள்காட்டுகின்றன.
72 மணி நேர விசாரணை
இருப்பினும், இந்த 72 மணி நேர விசாரணைகளில் டக்ளஸ் தேவானந்தாவிடமிருந்து பழைய தகவல்களைப் பெறுவது சி.ஐ.டி அதிகாரிகளுக்கு கடுமையான சவாலாக இருந்திருக்கும் என்று கூறப்படுகிறது.
இதற்கு முக்கிய காரணம், ஜூன் 30, 1998 அன்று களுத்துறையில் உள்ள ஜாவத்த சிறைச்சாலையில் விடுதலைப்புலிகளின் சந்தேக நபர்கள் குழுவால் அவர் மீது நடத்தப்பட்ட தாக்குதல் ஆகும்.
அங்கு, அவர் தலையில் கூர்மையான ஆயுதத்தால் தாக்கப்பட்டு, மூளையின் நரம்பு மையங்களுக்கு சேதம் ஏற்பட்டது.
கொழும்பு தேசிய மருத்துவமனையின் சிறப்பு நரம்பியல் அறுவை சிகிச்சை நிபுணர் வைத்தியர் சுனில் பெரேரா உள்ளிட்ட மருத்துவர்கள் குழு ஐந்து மணி நேர அறுவை சிகிச்சை செய்து அவரது உயிரைக் காப்பாற்றிய போதிலும், டக்ளஸின் நண்பர்கள் இந்த விபத்து அவருக்கு நினைவாற்றல் குறைபாட்டை ஏற்படுத்தியுள்ளதாக சுட்டிக்காட்டுகின்றனர் என தென்னிலங்கை ஊடகமொன்று இதனை விளக்கியுள்ளது.
மேலும், 2001 ஆம் ஆண்டு டக்ளஸ் தேவானந்தாவுக்கு இலங்கை இராணுவம் 13 T-56 தானியங்கி துப்பாக்கிகளையும், கைத்துப்பாக்கிகள் உட்பட 6 சிறிய ஆயுதங்களையும் வழங்கியதற்கான ஆவண ஆதாரங்கள் உள்ளன.
தற்போது, இந்த ஆயுதங்களில் ஒன்று மட்டுமே பாதாள உலக உறுப்பினரிடம் இருந்து கண்டுபிடிக்கப்பட்டுள்ளது.
மீதமுள்ள ஆயுதங்கள் இன்னும் EPDP யிடம் உள்ளதா அல்லது வேறு தரப்பினரின் கைகளில் சென்றுள்ளதா என்பது குறித்து எந்த தகவலும் வெளியிடப்படவில்லை.
இந்த நீண்டகால சர்ச்சைகளை ஆராய்ந்து உண்மைகளை கண்டறிய சி.ஐ.டி தரப்புக்கு அதிக காலம் தேவைப்படும் என நம்பப்படுகிறது.
இந்நிலையில், விசாரணைக்கு பின் நீதிமன்றில் முன்னிலைப்படுத்தப்பட்ட அவருக்கு எதிர்வரும் 9ஆம் திகதி வரை விளக்கமறியல் உத்தரவு பிறப்பிக்கப்பட்டுள்ளமை குறிப்பிடத்தக்கது.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
மலையக மக்களின் வருகை வடக்கு - கிழக்கிற்கு சாதகமா.. பாதகமா.. 10 மணி நேரம் முன்
கொக்குவில், Herning, Denmark, London, United Kingdom
28 Dec, 2025
சிங்கப்பூர், Singapore, Sangarathai, மானிப்பாய், நெதர்லாந்து, Netherlands, ஜேர்மனி, Germany
23 Dec, 2025
புங்குடுதீவு 7ம் வட்டாரம், வேலணை 5ம் வட்டாரம், Markham, Canada
25 Dec, 2025
நயினாதீவு 6ம் வட்டாரம், யாழ்ப்பாணம், Mississauga, Canada
31 Dec, 2022
புங்குடுதீவு 11ம் வட்டாரம், புங்குடுதீவு 2ம் வட்டாரம், Hannover, Germany
28 Dec, 2022
