புதிய பயங்கரவாத தடுப்பு சட்டமூலம் : குத்துக்கரணம் அடித்தார் நீதியமைச்சர்
பயங்கரவாதத் தடுப்பு சட்டமூலம் இறுதியானது அல்ல என்று கூறிய நீதி அமைச்சர் ஹர்ஷன நாணயக்கார, பொதுமக்களின் கருத்துகள் மற்றும் பரிந்துரைகளை பரிசீலித்த பிறகு, அமைச்சரவை அல்லது நாடாளுமன்றத்தில் சமர்ப்பிக்கப்படுவதற்கு முன்பு இந்த சட்டமூலம் திருத்தப்படும் என்று இன்று(22) தெரிவித்தார்.
ஜனாதிபதி சட்டத்தரணி (PC) ரியன்சி அர்செகுலரத்ன தலைமையிலான குழுவால் வரையப்பட்ட இந்த சட்டமூலம், நீதி அமைச்சின் இணையதளத்தில் மூன்று மொழிகளிலும் பதிவேற்றப்பட்டுள்ளது என்றும், பெப்ரவரி 28, 2026 வரை மக்கள் தங்கள் கருத்துகளையும் பரிந்துரைகளையும் சமர்ப்பிக்கலாம் என்றும் அமைச்சர் கூறினார்.
தேவையான திருத்தம்
பொதுமக்களின் கருத்துகள் மற்றும் பரிந்துரைகளின் அடிப்படையில் தேவையான திருத்தங்களைச் செய்வதற்காக சட்டமூலத்தை வரைந்த அதே குழுவிடம் பொதுமக்களின் கருத்துகளும் பரிந்துரைகளும் சமர்ப்பிக்கப்படும் என்று அவர் குறிப்பிட்டார்.
மிகவும் உணர்திறன் வாய்ந்த சட்டத்தை வரைவதில் இது முக்கியமானது என்பதால், தனிநபர்கள், குழுக்கள் அல்லது அமைப்புகள் தங்கள் பரிந்துரைகளை சமர்ப்பிக்குமாறு அமைச்சர் அழைப்பு விடுத்தார்.
இதேவேளை இந்த சட்டமூலத்திற்கு இலங்கையின் உழைக்கும் பத்திரிகையாளர் அமைப்பு மற்றும் இலங்கை தமிழ் அரசுக்கட்சியின் பதில் பொதுச் செயலாளர் சுமந்திரன் ஆகியோர் கடும் எதிர்ப்பை வெளியிட்டுள்ளமை குறிப்பிடத்தக்கது.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
பளை, பருத்தித்துறை, London, United Kingdom
22 Dec, 2020
