ஹெரோயின் போதைபொருளுக்கு அடிமையான தாய் மற்றும் மகன் கைது
பண்டாரவளை ஹீல் ஓயா பிரதேசத்தில் மேற்கொள்ளப்பட்ட யுக்திய நடவடிக்கையில் ஹெரோயின் போதைக்கு அடிமையாகி ஹெரோயின் கடத்தலில் ஈடுபட்ட 38 வயதுடைய தாய் மற்றும் அவரது 16 வயது மகனும் காவல்துறையினரால் கைது செய்யப்பட்டுள்ளனர்.
மேலும், அவர்களது கையடக்கத் தொலைபேசிகளை சோதனையிட்ட போது, குறித்த பெண், அவரது 16 வயது மகனின் இரு பாடசாலை நண்பர்கள் இணைந்து போதைப்பொருள் பாவிக்கும் காட்சிகளும் கிடைத்துள்ளதாக காவல்துறையினர் தெரிவித்துள்ளனர்.
அதன்படி, போதைபொருள் பாவனையில் ஈடுபட்ட குறித்த பெண்ணின் மகனின் நண்பர்கள் இருவரையும் காவல்துறையினர் கைது செய்துள்ளனர்.
கணவரின் முறைப்பாடு
கைது செய்யப்பட்ட பெண்ணின் கணவர் வெளிநாடுக்கு சென்றிருந்த வேளை, மாரவில பிரதேசத்தைச் சேர்ந்த போதைப்பொருள் பாவனைக்கு அடிமையான நபருடன் குறித்த பெண் தொடர்பு வைத்துள்ளார்.
இந்நிலையில், வீட்டில் இருந்த பொருட்கள் விற்பனை செய்யப்பட்டுள்ளதாக கணவர் காவல்நிலையத்தில் செய்த முறைப்பாட்டின் அடிப்படையில் மேற்கொள்ளப்பட்ட விசாரணைகளின் அடிப்படையில் இந்த விடயங்கள் தெரியவந்துள்ளன.
செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
ஏழாலை, யாழ்ப்பாணம், Bad Marienberg, Germany, Hayes, United Kingdom
31 Mar, 2025
