கட்டுநாயக்கவில் ஜனாதிபதி பாதுகாப்பு அதிகாரிகள் செய்துள்ள காரியம்

Anura Kumara Dissanayaka Presidential Secretariat of Sri Lanka Sri Lankan Peoples

By Dilakshan Aug 02, 2025 04:35 PM GMT

Dilakshan

in சமூகம்

Report

கட்டுநாயக்க விமான நிலையத்தின் வரியில்லாப் பிரிவில் இருந்து சட்டவிரோதமாக மதுபானம் வாங்கியதாகக் கண்டறியப்பட்ட பல பாதுகாப்பு அதிகாரிகள் மீது ஜனாதிபதி அலுவலகம் கடுமையான ஒழுக்காற்று நடவடிக்கை எடுத்துள்ளது.

ஜனாதிபதி அலுவலக வட்டாரங்களின்படி, சம்பவம் குறித்து முறையான விசாரணை நிலுவையில் உள்ள நிலையில், ஏழு பாதுகாப்புப் பணியாளர்கள் உடனடியாக நடைமுறைக்கு வரும் வகையில் இடமாற்றம் செய்யப்பட்டுள்ளனர்.

ஜனாதிபதி அநுரகுமார திசாநாயக்க சமீபத்தில் மாலைதீவுக்குப் புறப்பட்டபோது அதிகாரிகள் விமான நிலைய வளாகத்திற்குள் நுழைந்தபோது இந்த விடயம் வெளிச்சத்துக்கு வந்துள்ளதாக தெரிவிக்கப்படுகிறது.

சுங்க விதிமுறைகள்

அதன்போது, விதிமுறைகளின் கீழ் தகுதி இல்லாத போதிலும் அவர்கள் வரியில்லா மதுபானங்களை வாங்கியுள்ளதாக தெரியவந்துள்ளது.

கட்டுநாயக்கவில் ஜனாதிபதி பாதுகாப்பு அதிகாரிகள் செய்துள்ள காரியம் | Duty Free Illegally Purchased Alcohol

சுங்க விதிமுறைகளின்படி, நாட்டிற்கு வரும் அல்லது வெளியேறும் பயணிகள் மட்டுமே வரியில்லா கொள்முதல் செய்ய அனுமதிக்கப்படுகிறார்கள், அதுவும் குறிப்பிட்ட அளவு வரம்புகளுக்குள் மட்டுமே என்பது குறிப்பிடத்தக்கது.