ஜனாதிபதித் தேர்தலுக்கான பாதுகாப்பு நடவடிக்கைகள் குறித்த விசேட கலந்துரையாடல்

Sri Lanka Police Election Commission of Sri Lanka Election

By Shadhu Shanker Jul 31, 2024 08:06 AM GMT

Shadhu Shanker

in அரசியல்

Report

பொது மக்கள் பாதுகாப்பு அமைச்சின் செயலாளர் மற்றும் தேர்தலுக்கு பொறுப்பான சிரேஷ்ட பிரதி காவல்துறை மா அதிபர் ஆகியோர் தேர்தல்கள் ஆணைக்குழுவிற்கு அழைக்கப்பட்டுள்ளதாக ஆணைக்குழுவின் தலைவர் ஆர்.எம்.ஏ.எல்.ரத்நாயக்க குறிப்பிட்டுள்ளார்.

அதாவது ஜனாதிபதித் தேர்தலுக்கான பாதுகாப்பு நடவடிக்கைகள் குறித்து இன்று(31) கலந்துரையாடுவதற்காக அவர்கள் அழைக்கப்பட்டுள்ளதாக ஊடகங்களுக்கு கருத்து தெரிவிக்கும் போது அவர் குறிப்பிட்டார்.

இதன்போது கருத்து தெரிவித்த அவர், காவல்துறை மா அதிபரை நியமிக்க தேர்தல்கள் ஆணைக்குழுவிற்கு அதிகாரம் இல்லை. அதற்குத் தேவையான நடவடிக்கைகளை மேற்கொள்ளுமாறு அதற்கு அதிகாரம் உள்ள ஜனாதிபதியிடம் கோரவே முடியும்.

தேர்தல்கள் ஆணைக்குழு

அதன்படி, ஜனாதிபதி செயலாளரிடம் அந்த கோரிக்கையை விடுக்க தேர்தல்கள் ஆணைக்குழு நேற்று தீர்மானித்தது.

ஜனாதிபதித் தேர்தலுக்கான பாதுகாப்பு நடவடிக்கைகள் குறித்த விசேட கலந்துரையாடல் | Election Security Officials Meet Today

காவல்துறை மா அதிபர் அல்லது பதில் காவல்துறை மா அதிபரை நியமிக்குமாறு ஜனாதிபதி செயலாளரிடம் நேற்று காலை கோரிக்கை விடுத்தோம். அதன்படி நேற்று பிற்பகல் ஜனாதிபதி செயலாளரிடமிருந்து எமக்கு பதில் கிடைத்துள்ளது.

ஜனாதிபதியின் உத்தரவின்படி, ஜனாதிபதியின் செயலாளரினால் பொது மக்கள் பாதுகாப்பு அமைச்சின் செயலாளருக்கு அறிவிக்கப்பட்டுள்ளது.

ஜனாதிபதி தேர்தல்

தேர்தல் நடவடிக்கைகளை மேற்கொள்வதற்காக ஜனாதிபதி தேர்தலின் பாதுகாப்புக்கு தேவையான சகல காவல்துறை உத்தியோகத்தர்களையும் வழங்குவதற்கு தேவையான ஏற்பாடுகளை மேற்கொள்ளுமாறு அறிவிக்கப்பட்டுள்ளது.

அதன்படி, பொது மக்கள் பாதுகாப்பு அமைச்சின் செயலாளரும், தேர்தலுக்குப் பொறுப்பான சிரேஷ்ட பிரதி காவல்துறை மா அதிபரையும் அழைத்து இது குறித்து இன்று கலந்துரையாட எதிர்பார்த்துள்ளோம்" என்றார்.