நாட்டை வந்தடைந்தார் எலிசபெத் எம் அலன்
அமெரிக்காவின் பொது இராஜதந்திரத்திற்கான பிரதி இராஜாங்க செயலாளர் எலிசபெத் எம் அலன் உத்தியோகபூர்வ விஜயமொன்றை மேற்கொண்டு நேற்று (17) இலங்கைக்கு வருகை தந்துள்ளார்.
இதேவேளை அவருடைய விஜயத்தின்போது அரசாங்க அதிகாரிகள், ஊடகப் பிரதிநிதிகள், டிஜிட்டல் உள்ளடக்க உருவாக்குநர்கள் மற்றும் இளைஞர் தலைவர்களைச் சந்திக்கவுள்ளதாக தெரிவிக்கப்படுகின்றது.
அமெரிக்க தூதுவர் ஜூலி சங்
இந்த சந்திப்பின்போது, இரண்டு நாடுகளுக்கும் இடையிலான பங்காளித்துவம், இலங்கையின் தகவல் மற்றும் ஊடக வெளியைப் பாதுகாப்பது மற்றும் செழுமையை மேம்படுத்துவதற்கு ஒன்றிணைந்து செயற்படுவதற்கான வழிகள் குறித்து ஆராயப்படும் என இலங்கைக்கான அமெரிக்க தூதுவர் ஜூலி சங் குறிப்பிட்டுள்ளார்.
அமெரிக்காவின் பொது இராஜதந்திரத்திற்கான பிரதி இராஜாங்க செயலாளரின் இலங்கை விஜயத்தை தொடர்ந்து, இந்தியாவுக்கு விஜயம் செய்யவுள்ளார்.
இதற்கிடையில், முகாமைத்துவம் மற்றும் வளங்களுக்கான அமெரிக்க பிரதி வெளியுறவு செயலாளர் ரிச்சர்ட் ஆர். வர்மாவும் இலங்கைக்கு விஜயமொன்றை மேற்கொள்ளவுள்ளார்.
கொழும்பு துறைமுகத்திற்கு விஜயம்
அவருடைய விஜயத்தின்போது, இலங்கை அரசாங்கத்தின் சிரேஷ்ட அதிகாரிகளுடனான சந்திப்புகளை மேற்கொள்ளவுள்ளதாக அமெரிக்க இராஜாங்கத் திணைக்களம் தெரிவித்துள்ளது.
அத்துடன், அவர் கொழும்பு துறைமுகத்தின் மேற்கு கொள்கலன் முனையத்தை பார்வையிடவுள்ளதாகவும் குறிப்பிடப்பட்டுள்ளது.
கொழும்பை ஒரு பிராந்திய கப்பல் போக்குவரத்து மையமாக மாற்றுவதற்கு குறித்த கொள்கலன் முனையத்தை அபிவிருத்தி செய்வதற்கு 553 மில்லியன் அமெரிக்க டொலர்களை அமெரிக்கா நிதியுதவிகளை வழங்கியுள்ளமை குறிப்பிடத்தக்கது.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
தியாக தீபத்திற்கான மெய்யான அஞ்சலி, தமிழர் ஒற்றுமையுடனும் நேர்மையுடனும் இருப்பதாகும்... 18 மணி நேரம் முன்
ஆட்சி மாறியது; அரசியல் கலாசாரம் மாறியதா..!
3 நாட்கள் முன்
உசன், Jaffna, Ibadan, Nigeria, Riyadh, Saudi Arabia, London, United Kingdom
05 Sep, 2026
மல்லாகம், யாழ்ப்பாணம், கொழும்புத்துறை, சுண்டுக்குழி, Brampton, Canada
12 Sep, 2026
நயினாதீவு 3ம் வட்டாரம், பருத்தித்துறை, அல்வாய் வடக்கு, சூரிச், Switzerland
10 Sep, 2021
