திருட்டுத்தனமாக நுழைந்தவர் சுமந்திரன் : முன்வைக்கப்பட்டுள்ள கடும் விமர்சனம்

Vavuniya M. A. Sumanthiran Current Political Scenario

By Shalini Balachandran Nov 04, 2024 10:11 PM GMT

Shalini Balachandran

in அரசியல்

Report

தமிழ் மக்களின் இரத்தத்தாலும் சதையாலும் உருவாக்கப்பட்ட கூட்டமைப்பில் திருட்டுத்தனமாக உள்நுளைந்த சுமந்திரன் ( M. A. Sumanthiran), வன்னியில் இருக்கும் பிரச்சனைகளுக்காக எப்படி இறங்கிவருவார் என்று சுயேட்சை வேட்பாளர் எமில்காந்தன் (Emil Kanthan) கேள்வி எழுப்பியுள்ளார்.

குறித்த விடயத்தை வவுனியாவில் (Vavuniya) உள்ள அவரது அலுவலகத்தில் நேற்று (04) இடம்பெற்ற ஊடகவியலாளர் சந்திப்பில் கலந்துகொண்டு கருத்து தெரிவிக்கும் போதே அவர் குறிப்பிட்டுள்ளார்.

இது தொடர்பாக அவர் மேலும் தெரிவிக்கையில், “தமிழரசுக்கட்சியின் தலைமை யார் ? என்றுநான் அண்மையில் ஒரு கேள்வி எழுப்பியிருந்தேன் அதற்கு சுமந்திரன் பதில் அளித்துள்ளார்.

தேசியபட்டியல்

அவரது பதிலில் வன்னியில் உள்ள எமது வேட்பாளர்களுக்கும் எமில்காந்தனுக்கும் இடையிலான விடயம் அது அந்த லெவலுக்கு தான் இறங்கிப் போகத்தேவையில்லை என்றவாறாக ஒரு பதிலை சொல்லியிருக்கிறார்.

திருட்டுத்தனமாக நுழைந்தவர் சுமந்திரன் : முன்வைக்கப்பட்டுள்ள கடும் விமர்சனம் | Emilkanthan Accuses Sumanthran

தமிழ் மக்களின் இரத்தத்தாலும் சதையாலும் உருவாக்கப்பட்ட கூட்டமைப்பில் திருட்டுத்தனமாக, தேசியபட்டியல் ஊடாக அரசியலுக்குள் நுழைந்தவர் நீங்கள்.

அந்த சுமந்திரனுக்கு வன்னியில் இருக்கும் பிரச்சனைகளுக்காக இறங்கி வரவேண்டிய தேவை இல்லை அப்படி சொல்வது அவருக்கு பெரிய விடயமாக இருக்காது.

மக்களின் தேவை

மக்களின் தேவைகளை பூர்த்திசெய்ய முடியாத இவர்கள் தமது இரண்டாம் கட்ட உறுப்பினர்களை வேட்பாளர்களாக அனுப்பி அவர்கள் மூலமாக இன்னுமொரு திருட்டு வெற்றியை நுட்பமான முறையில் பெற முயற்சிக்கின்றார்கள்.

சுமந்திரனால் பதில் அளிக்க முடியாத அளவுக்கு வன்னி மாவட்டம் ஒன்றும் இரண்டாம் நிலையிலோ அல்லது இங்கு வாழ்வோர் இரண்டாம் தர பிரஜைகளோ அல்ல.

வன்னியில் இருப்பவர்கள் சுமந்திரனை விட தரமான வேலைகளை செய்யக்கூடியவர்கள் அத்தோடு தமிழ்க்கூட்டமைப்பு உருவான போது என்னுடைய பங்களிப்பும் அதில் இருந்தது.

அதனூடாக மிக கடுமையான காலங்களையும் நாங்கள் கடந்து அதன் பலம் நிர்ணயிக்கப்பட்டது அந்த பலத்தின் மீது ஏறிநின்று திருட்டுத்தனமாக உள்ளே வந்து இவ்வாறான பதில் சொல்வதை முதலில் நிறுத்திக்கொள்ளுங்கள்” என அவர் தெரிவித்துள்ளார்.