மல்லாவிப் பகுதியில் அதிகரிக்கும் காட்டு யானைகளின் அட்டகாசம் : கட்டுப்படுத்துமாறு மக்கள் கோரிக்கை

Tamils Mullaitivu Elephant

By Independent Writer Oct 18, 2026 12:41 PM GMT

Independent Writer

in சமூகம்

Report

Courtesy: thavaseelan

முல்லைத்தீவு மாவட்டத்தின் துணுக்காய் பிரதேச செயலாளர் பிரிவுக்குட்பட்ட அனிஞ்சியன்குளம் உள்ளிட்ட மல்லாவியின் பல்வேறு பகுதிகளிலும் தொடர்ச்சியாக காட்டு யானைகளின் அச்சுறுத்தல் காணப்படுவதாகவும் இதனை கட்டுப்படுத்த தவறின் உயிரிழப்புகள் ஏற்படும் அபாயம் உள்ளதாகவும் எனவே அதிகாரிகள் விரைந்து நடவடிக்கை எடுக்குமாறும் மக்கள் கோரிக்கை விடுத்துள்ளனர்

அனிஞ்சியன்குளம் பகுதியில் மாலை வேலைகளில் வரும்காட்டு யானைகள் மேலதிக கல்விநடவடிக்கைகளுக்கு சென்று வரும்மாணவர்கள், வேலைகளுக்கு சென்று வருகின்ற மக்கள் என பல்வேறு தரப்பினருக்கும் மிகுந்த அச்சுறுத்தலாக காணப்படுவதாக மக்கள் தெரிவிக்கின்றனர்.

பல்வேறு சம்பவங்கள்

அண்மையில் முச்சக்கர வண்டி ஒன்றை தாக்கிய சம்பவம் ,மோட்டார் சைக்கிள் ஒன்றை தாக்கிய சம்பவம் இவ்வாறு பலரை துரத்திய சம்பவங்களும் தொடர்ச்சியாக இடம்பெற்று வருகின்ற நிலைமையில் உயிராபத்துக்களை ஏற்படுத்த முன்னர் குறித்த யானைகளை கட்டுப்படுத்த நடவடிக்கை எடுக்குமாறு அனிஞ்சியகுளம் மக்கள் கோரிக்கை விடுத்துள்ளனர்

மல்லாவிப் பகுதியில் அதிகரிக்கும் காட்டு யானைகளின் அட்டகாசம் : கட்டுப்படுத்துமாறு மக்கள் கோரிக்கை | Escalating Menace Of Wild Elephants In Mallavi

இது தொடர்பாக பல்வேறு தரப்பினரிடமும் பல கூட்டங்களில் கலந்துரையாடப்பட்டபோதும் இதுவரை காட்டு யானைகளை கட்டுப்படுத்த எந்தவிதமான நடவடிக்கைகளும் எடுக்கப்படவில்லை என மக்கள் குற்றம் சுமத்தியுள்ளனர்

60 ஆண்டுகளாக யானைகள் எதுவுமே வருவதில்லை

குறிப்பாக அண்மையில் யோகபுரம் பகுதிக்குள் சென்ற யானைகள் வீடு ஒன்றின் கதவை உடைத்த காட்சிகள் பதிவாகியிருந்ததோடு குறித்த பகுதிக்கு தாம் அங்கு குடியேறிய சுமார் 60 ஆண்டுகளாக யானைகள் எதுவுமே வருவதில்லை எனவும் தற்போது யானைகள் இவ்வாறு வருவதாகவும் அச்சத்தின் மத்தியில் வாழ்ந்து வருவதாகவும் குறித்த மக்கள் தெரிவிக்கின்றனர்

இவ்வாறு அனிஞ்சியன்குளம் உள்ளிட்ட மல்லாவி பகுதிகளுக்குள் நுழையும் காட்டு யானைகளை கட்டுப்படுத்த அதிகாரிகள் விரைந்து நடவடிக்கை எடுக்க வேண்டும் என கோரிக்கை விடுக்கப்பட்டுள்ளது.