தாக்குதலை ஆரம்பித்த இஸ்ரேல் : லெபனானில் 31 பேர் பலி!

Benjamin Netanyahu Israel Iran Lebanon

By Sathangani Mar 02, 2026 06:47 AM GMT

Sathangani

in உலகம்

Report

புதிய இணைப்பு

பெய்ரூட் மற்றும் தெற்கு லெபனான் பகுதிகளை இலக்கு வைத்து இஸ்ரேல் நடத்திய மோசமான தாக்குதல்களில் பலர் உயிரிழந்ததாக லெபனான் சுகாதார அமைச்சகம் தெரிவித்துள்ளது.

முதற்கட்ட தகவல்களின்படி 31 பேர் கொல்லப்பட்டுள்ளதாகவும், 149 பேர் வரை காயமடைந்துள்ளதாகவும் லெபனான் சுகாதார அமைச்சகம் உறுதிப்படுத்தியுள்ளது.

முதலாம் இணைப்பு

லெபனானின் பல நகரங்களுக்கு வெளியேற்ற உத்தரவு: இஸ்ரேல் அவசர எச்சரிக்கை!

லெபனானில் உள்ள 50 இற்கும் மேற்பட்ட நகரங்களில் வசிக்கும் மக்களை இவ்வாறு வெளியேறுமாறு இஸ்ரேலியப் படைகள் அறிவித்துள்ளதாகச் சர்வதேச ஊடகங்கள் செய்தி வெளியிட்டுள்ளன.

இந்த வெளியேற்ற உத்தரவைப் பிறப்பித்துள்ள இஸ்ரேல், குறித்த நகரங்களில் இருந்து குறைந்தது 1,000 மீற்றர் தூரத்திலாவது பாதுகாப்பாக இருக்குமாறு பொதுமக்களுக்கு அறிவுறுத்தியுள்ளது.

ஈரான் மீதான இஸ்ரேலின் தாக்குதல்கள் மற்றும் ஈரானிய உச்ச தலைவர் அலி கமேனியின் படுகொலை ஆகியவற்றுக்குப் பழிவாங்கும் நோக்கில், ஹிஸ்புல்லா அமைப்பு இஸ்ரேலை நோக்கி ஏவுகணைகள் மற்றும் ட்ரோன் தாக்குதல்களை முன்னெடுத்தது.

வான்வழித் தாக்குதல்

இதனையடுத்து, ஹிஸ்புல்லாக்களின் கட்டுப்பாட்டில் உள்ள லெபனான் தலைநகர் பெய்ரூட்டின் தெற்கு புறநகர்ப் பகுதிகள் பலவற்றின் மீது இஸ்ரேல் பாரிய வான்வழித் தாக்குதல்களை நடத்தியுள்ளது.

தாக்குதலை ஆரம்பித்த இஸ்ரேல் : லெபனானில் 31 பேர் பலி! | Evacuation Orders For 50 Cities In Lebanon Israel

இந்தத் தாக்குதல்கள் தொடர்பில் கருத்துத் தெரிவித்துள்ள இஸ்ரேல், தமது நாட்டின் பாதுகாப்பிற்கு அச்சுறுத்தலாக விளங்கும் எந்தவொரு எதிரியும் அதற்கான பாரிய விலையைக் கொடுக்க நேரிடும் என தெரிவித்துள்ளமை குறிப்பிடத்தக்கது.