சி.ஐ.டியால் கைது செய்யப்பட்ட சுகாதார அமைச்சின் முன்னாள் செயலாளர் : நீதிமன்றம் பிறப்பித்த அதிரடி உத்தரவு
சிறிலங்கா சுகாதார அமைச்சின் முன்னாள் செயலாளர் ஜனக சந்திரகுப்த எதிர்வரும் 27 ஆம் திகதி வரை விளக்கமறியலில் வைக்கப்பட்டுள்ளார்.
குற்றப் புலனாய்வுப் திணைக்களத்தினரால் இன்று கைது செய்யப்பட்டதையடுத்து, அவர் மாளிகாகந்த நீதவான் நீதிமன்றில் முன்னிலைப்படுத்தப்பட்டார்.
இதன் போது, முன்னெடுக்கப்பட்ட விசாரணைகளை தொடர்ந்து, இந்த உத்தரவு பிறப்பிக்கப்பட்டுள்ளது.
கைது நடவடிக்கை
இம்யூனோகுளோபுலின் எனும் மருந்தை இலங்கைக்கு இறக்குமதி செய்தமை தொடர்பில் ஜனக சந்திரகுப்த குற்றம் சாட்டப்பட்டிருந்தார்.
போலி ஆவணங்களின் ஊடாக குறித்த மருந்துகள் இறக்குமதி செய்யப்பட்டதாகவும் இந்த நடவடிக்கையின் மூலம் 130 மில்லியன் ரூபாய் பண மோசடி மேற்கொள்ளப்பட்டதாகவும் சுட்டிக்காட்டப்பட்டிருந்தது.
இதையடுத்து, இந்த குற்றச்சாட்டு தொடர்பான விசாரனைகளுக்காக கடந்த 30 ஆம் திகதி முதல் தடவையாக அவர் குற்றப்புலனாய்வு பிரிவில் முன்னிலையாகி தனது வாக்குமூலத்தை வழங்கியிருந்த நிலையில், இன்று இரண்டாவது தடைவையாகவும் முன்னிலையாகியிருந்தார்.
இதன் போது, கைது அவர் செய்யப்பட்டதுடன், மாளிகாகந்த நீதவான் நீதிமன்றில் முன்னிலைப்படுத்தப்பட்டார்.
இதனை தொடர்ந்து, எதிர்வரும் 27 ஆம் திகதி வரை அவரை விளக்கமறியலில் வைக்குமாறு நீதவான் உத்தரவிட்டுள்ளார்.
செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
அனலைதீவு 3ம் வட்டாரம், புங்குடுதீவு 5ம் வட்டாரம், Bünde, Germany, Selm, Germany
11 Jul, 2024
