12500 ஆண்டுகளுக்கு முன் அழிந்த உயிரினத்துக்கு புத்துயிர் அளித்து சாதனை: எலான் மஸ்க் விடுத்த வேண்டுகோள்
சுமார் 12,500 வருடங்களுக்கு முன்னர் இவ்வுலகிலிருந்து அழிவடைந்த Dire Wolf இன ஓநாய்களுக்கு புத்துயிர் அளிக்கப்பட்ட வரலாற்று சாதனை அமெரிக்காவில் (USA) பதிவாகியுள்ளது.
அமெரிக்காவில் இயங்கும் கொலொசல் பயோசயின்சஸ் (Colossal Biosciences) என்னும் உயிரித் தொழில்நுட்ப நிறுவனத்தில் தேர்ச்சி பெற்ற விஞ்ஞானிகளே இந்த சாதனையை நிகழ்த்தியுள்ளனர்.
13000 ஆண்டுகள் பழைமையான Dire Wolf இன ஓநாய்களின் பற்கள் மற்றும் 72,000 ஆண்டுகள் பழைமையான அவற்றின் மண்டையோடுகளின் மரபணுக்களை பெற்று DNA மற்றும் குளோனிங் முறைமைகளின் ஊடாக Dire Wolf இன 3 ஓநாய் குட்டிகள் உருவாக்கப்பட்டுள்ளன.
மைல்கல் சாதனை
இதுவொரு மைல்கல் சாதனை என Colossal Biosciences நிறுவனத்தின் பிரதம நிறைவேற்று அதிகாரி Ben Lamm தெரிவித்துள்ளார்.
We’re Colossal Biosciences, the de-extinction company responsible for bringing back the first animals from extinction. Our dire wolf pups, Romulus and Remus, were born on October 1, 2024. Watch these pups grow up on our YouTube channel. Link in bio.
— Colossal Biosciences® (@colossal) April 7, 2025
These two wolves were… pic.twitter.com/hbk1wFQ3lf
கடந்த வருடத்தில் 2 குட்டிகளும் இந்த வருடம் ஒரு குட்டியும் இவ்வாறு புத்துயிர் அளிக்கப்பட்டுள்ளதாக சர்வதேச செய்திகள் தெரிவிக்கின்றன. புத்துயிர் பெற்ற 3 ஓநாய் குட்டிகளுக்கும் Romulus, Remus மற்றும் Khaleesi என பெயர் சூட்டப்பட்டுள்ளது.
எலான் மஸ்கின் வேண்டுகோள்
இதுதவிர அழிவடைந்துபோன Dodo இன பறவைக்கும் டாஸ்மேனிய புலிக்கும் புத்துயிர் அளிக்க தயாராகிவருவதாக Colossal Biosciences நிறுவனம் அறிவித்துள்ளது.
அதேநேரம், கம்பளி மாமூத் குட்டிகளை உருவாக்கி தருமாறு, அமெரிக்க தொழிலதிபர் எலான் மஸ்க் (Elon Musk) வேண்டுகோள் வைத்துள்ளார்.
Please make a miniature pet wooly mammoth https://t.co/UxoIWmzq6h
— Elon Musk (@elonmusk) April 7, 2025
மேலும், அழிவடைந்த உயிரினமொன்று புத்துயிர் பெற்ற முதல் சந்தர்ப்பம் இதுவென்பது குறிப்பிடத்தக்கது.
| செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
புங்குடுதீவு 1ம் வட்டாரம், புங்குடுதீவு, India, Lausanne, Switzerland
09 Aug, 2025
