நில்வலா ஆற்றை அண்டிய பகுதிகளுக்கு வெள்ள அபாய எச்சரிக்கை!
நில்வலா ஆற்றுப் படுகையில் அடுத்த 24 மணித்தியாலங்களுக்குள் சிறிய அளவிலான வெள்ளப்பெருக்கு ஏற்படக்கூடும் என நீர்ப்பாசனத் திணைக்களம் எச்சரிக்கை விடுத்துள்ளது.
இதன்படி, அக்குரஸ்ஸ, அத்துரலிய, மாலிம்பட, கம்புறுபிட்டிய, திஹகொட மற்றும் மாத்தறை ஆகிய பிரதேச செயலகப் பிரிவுகளுக்கு உட்பட்ட நில்வளா ஆற்றின் வெள்ளச் சமவெளியில் அமைந்துள்ள தாழ்நிலப் பகுதிகளுக்கு வெள்ள அபாயம் காணப்படுவதாகத் தெரிவிக்கப்பட்டுள்ளது.
நில்வளா ஆற்றின் மேல் மற்றும் மத்திய நீரேந்து பகுதிகளில் குறிப்பிடத்தக்க மழைவீழ்ச்சி பதிவாகியுள்ளமை மற்றும் ஆற்றின் நீர்மட்ட அளவீடுகளின் பகுப்பாய்வு ஆகியவற்றின் அடிப்படையில் இந்த எச்சரிக்கை விடுக்கப்பட்டுள்ளது.
நீர்ப்பாசனத் திணைக்களம் முன்னெச்சரிக்கை
எனவே, குறித்த பகுதிகளில் வசிக்கும் பொதுமக்களும், அப்பகுதிகள் ஊடாகப் பயணிக்கும் வாகன சாரதிகளும் மிகுந்த அவதானத்துடன் செயற்படுமாறு நீர்ப்பாசனத் திணைக்களம் கேட்டுக்கொண்டுள்ளது.
மேலும், முன்னெச்சரிக்கை நடவடிக்கைகளை மேற்கொள்ளுமாறு அனர்த்த முகாமைத்துவப் பிரிவுகளுக்கும் அறிவிக்கப்பட்டுள்ளது.
மலேசியா, Malaysia, தெல்லிப்பழை, Wembley, United Kingdom
09 Oct, 2026
புங்குடுதீவு 2ம் வட்டாரம், புங்குடுதீவு 12ம் வட்டாரம், Markham, Canada
17 Oct, 2024
புங்குடுதீவு 3ம் வட்டாரம், London, United Kingdom
13 Oct, 2024
