அதிகரித்துள்ள உணவுப் பொருட்களின் விலை: அடுத்த ஆண்டு மக்கள் சந்திக்கப்போகும் பாரிய அழுத்தம்

Sri Lanka Sri Lanka Food Crisis Sugar Price Price Rice Price

By Sindu Nov 11, 2026 05:45 AM GMT

Sindu

in சமூகம்

Report

இலங்கையில் 10 இலட்சம் முதல் 1.49 இலட்சம் வரையிலான மக்களுக்கு 2027 மே மாதம் வரையில் மனிதாபிமான அடிப்படையில் உணவு உதவி தேவைப்படலாம் என பஞ்ச முன்னெச்சரிக்கை அமைப்பு வலையமைப்பு எச்சரித்துள்ளது.

உணவுப் பொருட்களின் விலை உயர்வு, அதிகரித்துவரும் வாழ்க்கைச் செலவுகள் மற்றும் காலநிலை மாற்றங்களால் ஏற்படும் இடையூறுகளினால் பொருளாதாரத்தில் பின்தங்கியுள்ள குடும்பங்கள் மீது தொடர்ந்தும் அழுத்தத்தை ஏற்படுத்துகின்றது.

இந்த ஆண்டு யால அறுவடையிலிருந்து குடும்பங்களின் உணவு இருப்பு படிப்படியாகக் குறைந்து, குடும்பங்கள் சந்தைக் கொள்முதல்களை அதிகளவில் சார்ந்திருக்கும் நிலைக்குத் தள்ளப்படுவதால், 2026 அக்டோபர் முதல் 2027 ஜனவரி வரை பரவலான நெருக்கடியான (IPC நிலை 2) உணவுப் பாதுகாப்பு நிலைமைகள் நிலவும் என அந்த அறிக்கை கணித்துள்ளது.

மிகப்பெரிய அழுத்தம்

குறிப்பாக குறைந்த வருமானம் பெறும் தோட்டத் தொழிலாளர்கள், கடற்றொழிலாளர்கள் மற்றும் நகரங்களில் வாழும் பொருளாதார நிலையில் பின்தங்கியுள்ளவர்கள் மத்தியில், ஜனவரி வரையிலான காலகட்டத்தில் மிகப்பெரிய அழுத்தம் எதிர்பார்க்கப்படுகிறது.

அதிகரித்துள்ள உணவுப் பொருட்களின் விலை: அடுத்த ஆண்டு மக்கள் சந்திக்கப்போகும் பாரிய அழுத்தம் | Food Needs In Srilanka Until May 2027

2026 ஒக்டோபர் முதல் 2027 மே வரையிலான கணிப்புக் காலத்தில் பெரிய அளவிலான மனிதாபிமான உணவு உதவி எதுவும் எதிர்பார்க்கப்படவில்லை என்றாலும், உணவு உதவித் தேவைகள் ஒக்டோபர் முதல் டிசம்பர் வரையிலான காலகட்டத்தில் உச்சத்தை எட்டும் என கணிக்கப்பட்டுள்ளது.

இரண்டாவது இடைப்பருவமழை மற்றும் வடகிழக்குப் பருவமழையுடன் தொடர்புடைய பருவகால மழைப்பொழிவானது, வெள்ளம், பலத்த காற்று, நிலச்சரிவுகள் மற்றும் கொந்தளிப்பான கடல் ஆகியவற்றைக் கொண்டுவந்து, விவசாய மற்றும் மீன்பிடி நடவடிக்கைகளைப் பாதிக்கக்கூடும்.

அதிகரித்த உற்பத்தி, எரிபொருள் மற்றும் போக்குவரத்துச் செலவுகளுடன் சேர்ந்து, இந்த வானிலை நிலவரங்கள் குடும்ப வருமானத்தைப் பாதித்து, வாங்கும் சக்தியைக் குறைக்கும் என எதிர்பார்க்கப்படுகிறது.

கால்நடை வளர்ப்பும் பாதிக்கும்

செப்டெம்பர் மாதத்தில், கொழும்பில் நாடு மற்றும் சம்பா அரிசியின் சில்லறை விலைகள், அவற்றின் ஐந்தாண்டு சராசரியை விட முறையே 11 சதவீதம் மற்றும் 5 சதவீதம் அதிகமாக இருந்தன.

பெப்ரவரி மற்றும் மார்ச் மாதங்களில் அறுவடையிலிருந்து விநியோகம் அதிகரிப்பதற்கு முன்பு, குடும்பங்களின் கையிருப்பு குறைவதால் விலைகள் உயர்ந்தே காணப்படும் என பஞ்ச முன் எச்சரிக்கை அமைப்புகள் வலையமைப்பு எதிர்பார்க்கிறது.

மார்ச்-ஏப்ரல் 2027-இல் வரவிருக்கும் முதல் இடைப்பருவமழையின் போது எதிர்பார்க்கப்படும் சராசரிக்கும் குறைவான மழைப்பொழிவு, நீர் கிடைப்பதைக் கட்டுப்படுத்தி, விவசாய மற்றும் கால்நடை வளர்ப்பு நடவடிக்கைகளைப் பாதிக்கக்கூடும் என்று அந்த அறிக்கை எச்சரிக்கிறது.

இந்த வானிலை அமைப்பு, குறிப்பாக மழையை நம்பி சாகுபடி செய்யும் பகுதிகளிலும், குறைந்த நீர்ப்பாசன வசதி உள்ள இடங்களிலும், அடுத்த யால பருவத்திற்கான நிலம் தயாரித்தல் மற்றும் பயிரிடுதலைத் தாமதப்படுத்தக்கூடும்.

பொருட்களின் விலை

மே 2027 வரை பிரதான உணவுப் பொருட்களின் இருப்பு பரவலாகப் போதுமானதாக இருக்கும் என்று எதிர்பார்க்கப்படுகிறது.

இருப்பினும் உணவுப் பொருட்களின் விலை, எரிபொருள் செலவுகள், விவசாய உள்ளீடுகள் மற்றும் பிற அத்தியாவசியச் செலவுகள் ஆகியவற்றின் தொடர்ச்சியான அழுத்தம், நலிவடைந்த குடும்பங்களின் அடிப்படைத் தேவைகளைப் பூர்த்தி செய்யும் திறனைக் கட்டுப்படுத்தக்கூடும் எனவும் குறித்த வலையமைப்பு தெரிவித்துள்ளது.