அன்று விமான போக்குவரத்துறை அமைச்சர் இன்று தொடருந்துக்கு காத்திருக்கும் சாதாரண பயணி(வைரலாகும் புகைப்படம்)
இந்தியாவின் விமான போக்குவரத்து துறை அமைச்சராக இருந்தவர் இன்று குடும்பத்துடன் தொடருந்துக்கு சாதாரண பயணியாக காத்திருக்கும் புகைப்படம் வைரலாகி வருகிறது.
மோடி அரசின் முதல் ஐந்தாண்டு கட்டமான 2014- 2019 ஆட்சியில் விமான போக்குவரத்து துறை அமைச்சராக இருந்தவர் அசோக் கஜபதி ராஜூ.அரச குடும்பத்தை சேர்ந்த இவர் 2014 ம் ஆண்டு மே மாதம் 26 ம் திகதி முதல் 2018 ம் ஆண்டு மார்ச் மாதம் 9 ம் திகதி வரை அமைச்சராக இருந்தார்.
சொந்த ஊருக்கு செல்வதற்காக
இந்நிலையில் அவர் கடந்த சில தினங்களுக்கு முன்னர் தனது சொந்த ஊருக்கு செல்வதற்காக தொடருந்து நிலையம் வந்தார். அப்போது அவர் குடும்பம் செல்ல வேண்டியதொடருந்துக்காக தொடருந்து நிலையத்தில் காத்திருந்தார்.
எளிமையான மனிதர்
இந்த புகைப்படம் சமூக வலை தளத்தில் பரவி வருகிறது. இது குறித்து கருத்து தெரிவித்துள்ள தெலுங்கு தேசம் கட்சி, எக்ஸ் வலை தளத்தில் அவர் நேர்மையின் சின்னம், எப்போதும் மக்களுக்கு சிறந்ததை செய்கிறார். அதிகாரம் அவரை ஒரு போதும் கெடுக்கவில்லை என பதிவிட்டு உள்ளது.
முன்னாள் அமைச்சரின் எளிமையை அனைவரும் பாராட்டி வருகின்றனர். மேலும் பலர் விஜயநகரம் சாலைகளில் அவர் சாதாரணமாக சுற்றித்திரிவார் எனவும், எளிமையான மனிதர் , எளிமையோடு இணைந்த வாழ்க்கை வாழ்வதாக பதிவிட்டு வருகின்றனர்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள் |
சண்டிலிப்பாய், மானிப்பாய், London, United Kingdom, கனடா, Canada
02 Nov, 2020
அல்லைப்பிட்டி, பிரான்ஸ், France
12 Nov, 2011
Seremban, Malaysia, நெல்லியடி, மண்டபம், India, Harrow, United Kingdom
30 Oct, 2021
