முன்னாள் நீதவானுக்கு பிறப்பிக்கப்பட்டது பகிரங்க பிடியாணை - கடூழிய சிறைத்தண்டனை தீர்ப்பு!

Galle Sri Lanka Sri Lanka Magistrate Court

By Kalaimathy Dec 03, 2022 10:33 AM GMT

Kalaimathy

in சமூகம்

Report

காலி நீதவான் நீதிமன்றத்தின் முன்னாள் நீதவான் டி.எஸ்.மெரிஞ்சி ஆராச்சி என்பவருக்கு கொழும்பு மேல் நீதிமன்றம் கடூழிய சிறைத்தண்டனை வழங்கி தீர்ப்பளித்துள்ளது.

இந்த தீர்ப்பு நேற்றைய தினம் வழங்கப்பட்டதோடு, தலா 5 ஆண்டுகள் என 10 ஆண்டுகளுக்கு கடூழிய சிறைத்தண்டனை விதிக்கப்பட்டுள்ளது.

மதுவரி குற்றத்திற்காக அறவிடப்படும் அபராத தொகையை குறைவாக பதிவு செய்தன் மூலம் பொது சொத்துக்கள் சட்டத்தின் கீழ் குற்றம் செய்துள்ளதாக தொடரப்பட்டுள்ள இரண்டு வழக்குகள் தொடர்பில் நீண்டகாலம் விசாரணை நடைபெற்றுக்கொண்டிருந்த நிலையில், நேற்று மேல் நீதிமன்றம் இந்த தீர்ப்பை வழங்கியுள்ளது.

பகிரங்க பிடியாணை

முன்னாள் நீதவானுக்கு பிறப்பிக்கப்பட்டது பகிரங்க பிடியாணை - கடூழிய சிறைத்தண்டனை தீர்ப்பு! | Galle Magistrate Judge Arrest Police Golombo

நீதிமன்றத்தில் முன்னிலையாகாது தவிர்த்து வரும் குற்றவாளியான மெரிஞ்சி ஆராச்சியை கைது செய்து நீதிமன்றத்தில் முன்னிலைப்படுத்துமாறு பகிரங்க பிடியாணை பிறப்பிக்குமாறும் கொழும்பு மேல் நீதிமன்ற நீதிபதி அமல் ரணராஜா உத்தரவிட்டுள்ளார்.

இதனை தவிர குற்றவாளியான முன்னாள் நீதவானுக்கு 22 ஆயிரத்து 500 ரூபா அபராதமும் விதிக்கப்பட்டுள்ளது. குற்றம் சுமத்தப்பட்டவர் நீதிமன்றத்தில் முன்னிலையாகாமல் இருக்கும் நிலையில், அவர் இன்றியே வழக்கு விசாரணைகள் நடத்தப்பட்டன.

குறைத்து பதியப்பட்ட அபராதம்

கடந்த 2000 ஆம் ஆண்டு ஏப்ரல் 4 ஆம் திகதி மற்றும் 5 ஆம் திகதிக்கும் இடைப்பட்ட காலத்தில் மதுவரி வழக்கு ஒன்றில் விதிக்கப்பட்ட 7 ஆயிரத்து 500 ரூபா அபராதத்தை ஆயிரத்து 500 ரூபாவாக குறைத்து பதிந்தமை மற்றும் இன்னுமொரு வழக்கில் விதிக்கப்பட்ட 5 ஆயிரம் ரூபா அபராதத்தை ஆயிரத்து 500 ரூபாவாக பதிவு செய்தமை மூலம் பொது சொத்துக்கள் சட்டத்தின் கீழ் குற்றச்சாட்டுக்களை முன்வைத்து சட்டமா அதிபர் இந்த வழக்கை தாக்கல் செய்திருந்தார் என்பதும் குறிப்பிடத்தக்கது.

மேலும் இது தொடர்பான செய்திகளைப் படிக்க இங்கே கிளிக் செய்யவும்