சிறுமியிடம் அத்துமீறிய ரோபோ:ஜெர்மனியில் அதிர்ச்சி
ஜெர்மனியின் கொலோன் நகரில் 16 வயது சிறுமியிடம் அத்துமீறலில் ஈடுபட்ட ரோபோவொன்றை ஜெர்மன் காவல்துறையினர் கட்டுப்பாட்டில் கொண்டு வந்துள்ளனர். கடந்த சனிக்கிழமை (10) இரவு இச்சம்பவம் இடம்பெற்றுள்ளதாக தெரிவிக்கப்பட்டுள்ளது.
குறித்த சிறுமி தனது நண்பர்களுடன் உணவகம் ஒன்றின் அருகில் நின்றுகொண்டிருந்த நிலையில் குறித்த ரோபோஅவரை பின்னால் இருந்து அணுகி அத்துமீறலில் ஈடுபட்டுள்ளது.
ரோபோவின் அத்துமீறலையடுத்து குறித்த சிறுமி அவ்விடத்திலிருந்து கூச்சலிட்டவாறு தப்பியோடியதாக கூறப்படுகிறது.
நேரலையில் ஒளிபரப்பு
16 மற்றும் 19 வயதான இரண்டு சந்தேக நபர்களே ரோபோவை இயக்கியுள்ளதாக காவல்துறையினர் சந்தேகிக்கின்றனர்.
குறித்த சந்தேக நபர்கள் இருவரும் நடந்த சம்பவத்தைப் பற்றி கருத்து தெரிவித்துக்கொண்டே சமூக வலைத்தளத்தில் அதனை நேரலையில் ஒளிபரப்பியதாக சந்தேகிக்கப்படுகின்றது.
காவல்துறையினருக்கு வந்த அவசர அழைப்பை தொடர்ந்து அதிகாரிகள் சந்தேக நபர்களை கண்டறிந்ததோடு, ரோபோவையும் கண்டுபிடித்துள்ளனர்.
கைப்பேசிகள் பறிமுதல்
விசாரணையின் ஒரு பகுதியாக, காவல்துறை அந்த ரோபோவையும் இரண்டு கைபேசிகளையும் பறிமுதல் செய்துள்ளது. ரோபோவின் அசைவுகள் ஒரு நபரால் வேண்டுமென்றே கட்டுப்படுத்தப்பட்டதா அல்லது முன்கூட்டியே திட்டமிடப்பட்ட செயல்களின் விளைவா என்பதை அதிகாரிகள் தற்போது ஆராய்ந்து வருகின்றனர்.
இந்தச் சம்பவம், ரோபோ தொழில்நுட்பத்தின் தவறான பயன்பாடு மற்றும் தொலைவிலிருந்து இயக்கப்படும் இயந்திரங்கள் மூலம் மேற்கொள்ளப்படும் செயல்களுக்கான பொறுப்புக்கூறல் ஆகியவை குறித்த கேள்விகளை எழுப்பியுள்ளது.
சம்பவம் தொடர்பான விசாரணைகள் முன்னெடுக்கப்பட்டு வருகின்றன.
| செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
மலேசியா, Malaysia, தெல்லிப்பழை, Wembley, United Kingdom
09 Oct, 2026
புங்குடுதீவு 3ம் வட்டாரம், London, United Kingdom
13 Oct, 2024
