குழப்பத்தில் ஜனாதிபதி அநுர : நாமல் விடுத்துள்ள சவால்

ஜனாதிபதி அநுரகுமார திசாநாயக்க(anura kumara dissanayake) பெறப்பட்ட மற்றும் இன்னும் நிலுவையில் உள்ள வெளிநாட்டு நேரடி முதலீடுகள் (FDI) பற்றிய தெளிவான மற்றும் துல்லியமான விளக்கத்தை வழங்குமாறு சிறிலங்கா பொதுஜன பெரமுன (SLPP) நாடாளுமன்ற உறுப்பினர் நாமல் ராஜபக்ச(namal rajapaksa), கேட்டுக்கொண்டார், அரசாங்கம் உண்மையான புள்ளிவிவரங்கள் குறித்து குழப்பத்தை ஏற்படுத்துவதாகவும் அவர் குற்றம் சாட்டினார்.

 X இல் இட்டஒரு பதிவில், ஜனாதிபதி மற்றும் மூத்த அமைச்சர்கள் வெளியிட்ட முரண்பாடான அறிக்கைகளை நாமல் கடுமையாக விமர்சித்தார்.

முரண்படும் அநுர மற்றும் சுனில் ஹந்துன்நெத்தி

"ஜனாதிபதி அநுரகுமார திசாநாயக்கவின் நிர்வாகத்தில் முற்றிலும் குழப்பம் இருப்பதாகத் தெரிகிறது. 2025 ஆம் ஆண்டின் முதல் காலாண்டில் தனது அரசாங்கம் 96 மில்லியன் அமெரிக்க டொலர்களை அந்நிய நேரடி முதலீட்டில் ஈர்த்ததாக ஜனாதிபதி ஆரம்பத்தில் கூறியிருந்தாலும், அவரது அமைச்சர் சுனில் ஹந்துன்னெத்தி(Sunil Handunnetti) அந்த எண்ணிக்கை 650 மில்லியன் அமெரிக்க டொலர்கள் என்று கூறினார்," என்று அவர் கூறினார்.

முழுமையான குழப்பத்தில்  ஜனாதிபதி

"பின்னர் தனது அறிக்கையை ஜனாதிபதி திருத்தி, இந்த ஆண்டு இதுவரை தனது அரசாங்கம் 4.6 பில்லியன் அமெரிக்க டொலர் முதலீட்டு திட்டங்களை ஈர்த்துள்ளதாகக் கூறினார். இருப்பினும், இந்தத் தொகை இன்னும் நாட்டிற்குள் வரவில்லை. இந்த முரண்பாடான அறிக்கைகள், ஜனாதிபதி முழுமையான குழப்பத்தில் இருப்பதாகவும், தனது சொந்த நிர்வாகத்திற்குள் என்ன நடக்கிறது என்பது அவருக்குத் தெரியாது என்றும் கூறுகின்றன.

"தனது உண்மைகளை சரியாகப் புரிந்துகொண்டு, தன்னையும் நாட்டையும் குழப்பிக் கொள்வதற்குப் பதிலாக, ஏற்கனவே வந்துள்ள மற்றும் இன்னும் நிலுவையில் உள்ள FDIகள் இரண்டின் தெளிவான பிரிவை வழங்குமாறு நான் ஜனாதிபதியை கேட்டுக்கொள்கிறேன்," என்று நாமல் தெரிவித்தார்.

கொழும்பிலிருந்து சென்னை சென்ற சிறிலங்கன் எயார் லைன்ஸ்: நடுவானில் நடந்த துயரம்

ஆட்டம் காணும் உலகம் - ஈரானுக்கு அணு ஆயுதங்கள் வழங்க தயார் : ரஷ்யா அதிரடி அறிவிப்பு